Bertsoak - Fitxa ikusi   Atal honi buruz gehiago jakiteko

2008-12-25 Larrabetzu Jaialdia [Bertsoa] / Unai Iturriaga

Bertsoa entzun  

Informazio orokorra

Kategoria
Bat-batekoa
Saioa
2008-12-25 Larrabetzu Jaialdia
Gai-emailea
Barandiaran, Gotzon
Bertsolariak / Egileak
Iturriaga, Unai
Lana
Bakarka gaia-emanda
Jarritako gaia
Aita zara. Zure alaba lehenengoz irten da parrandan. Asteburu guztian ez da agertu, eta agertu denean kontu eske hasi zara. Berak erantzun bakarra eman dizu, eta zu aho zabalik geratu zara. Zer esan dizu, bada?

Deskribapena

Doinua
Mundu honetan holako gauzak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2008-12-25 Larrabetzu Jaialdia [Bertsoa] / Unai Iturriaga

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Asteburua hor joan jata
erlojuari begira
eta begiak ez jataz ohitu
ilunera ez argira.
Etorri da-ta nire galderan
erantzun soila hori da:
bera izteko bakean eta
ez sartzeko holan erdira.
Baina txotxola hori ondino
nire kontura bizi da!

Bere erara gobernau gura
dabela bere mundua
ni ez sartzeko badeukola-ta
etxera nork lagundua...
Ez dau ulertu nire ardura
ezta nire apurua
ta harro-harro bere gelara
atea itxita segundua.
Bai heldu baten gorputza deuko
baina ume baten burua!

Ta hamentxe nago aztoratuta
neure kanpo, neure barren
nire alabak harpa jo deusta
gaur aurpegira nabarmen.
Ez naz hasiko "Gauzak ez ziran
holakoak izaten lehen..."
baina ordena apur bat jarri
beharko da nonoz hemen
eta ez naiten lerdoa izan
karka ez izatearren!

Datu-base honetan eskainitako informazioari buruz jakiteko, kontsultatu lege oharra