Bertsoak - Fitxa ikusi Atal honi buruz gehiago jakiteko
2010-03-12 Azpeitia Sariketa [Bertsoa] / Alaia Martin
| Bertsoa entzun |
2010-03-12 Azpeitia Sariketa [Bertsoa] / Alaia Martin
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Nire mutila ez zen batekin
oheratu egin nintzen
orain bi bihotz hautsi ez gara
etxe batean kabitzen.
Zuk barkamena eman zenidan
eta ez dut konprenitzen
gure harremana bizi ezean
batera ez dakit bizitzen
nire etxean egonagatik
ez naiz etxean sentitzen.
Hanka sartzeko eskubidea
ematen digu bizitzak
eta nik sartu dudan aldiak
ez dira horren murritzak.
Ezberdin dira zure keinuak
nahiz berdinak izan hitzak
zuk barkatzea hautatu zendun
jarri ondoren baldintzak
ta orain ez dakit non galdu diren
zure bihotzeko giltzak.
Berriro ere etxetik kanpo
egin berri dut ihesi
zu ikusita sentitzen ditut
begi-ninitan bi gezi
eraiki dira hainbeste horma
hainbeste muga ta hesi
zuk barkamena emanagatik
sentiaraziz berezi.
Horretxek juxtu erakusten dit
ez zaitudala merezi.
Datu-base honetan eskainitako informazioari buruz jakiteko, kontsultatu lege oharra