Bertsoak - Fitxa ikusi Atal honi buruz gehiago jakiteko
2010-11-26 Askartza Sariketa [Bertsoa] / Ainhoa Mujika, Ander Solozabal
Bertsoa entzun |
2010-11-26 Askartza Sariketa [Bertsoa] / Ainhoa Mujika, Ander Solozabal
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Mujika:
Bi guraso ta alaba txiki
bat dugu ta da bakarra
ez dut jasan nahi arratsaldero
etxean bere negarra.
Sartu taldean ta finalean
dauka azaldu beharra
ezkutatuaz ez da erakusten
emakumeen indarra.
A. Solozabal:
Azaroaren hogeita bosta
da politikan zutabe
guztiek uste dute emakumeen
egoera dela grabe
baina orain zer egin behar den
Ainhoa nahi nuke galde
gola sartu nahi digutelako
baina defentsarik gabe.
A. Mujika:
Zergatik ezin dira aritu
elkarrekin buruz buru?
Arauak jarriz inposaketa
ez al daukate helburu?
Joan ezean bide txarrean
sartuko gara seguru
ume mokoen jolasa ere
joko bihurtzen badugu.
A. Solozabal:
Beraiek haien sermoia bota
ta guk esaten dugu “Amen!”
gero genero bereizketarik
gizarte honetan ez omen...
Baina zaila da hau aldatzea
egun batean nabarmen
partida hontan ez dakit aizu
jokoz kanpo ez al gauden.
A. Mujika:
Nik ere uste dut jokoz kanpo ta
erdi koloka gaudela
erabakiak hartu ta bazter
utziaz beti bezela
baina mundua gu gara eta
hau aldatu leike bela.
Kasu honetan taldeko haurrek
erabaki dezatela.
A. Solozabal:
Hortxe dabiltza bi talde eta
hamaika ume buruz buru
erabakior izan daitezke
azkenengo hainbat segundu.
Ez jokatzea nire iritzia
horretaz nago seguru
hiru puntu ez lortu arren guk
partida irabazi dugu.
Datu-base honetan eskainitako informazioari buruz jakiteko, kontsultatu lege oharra