Bertsoak - Fitxa ikusi Atal honi buruz gehiago jakiteko
2000-12-22 Elgoibar Jaialdia [Bertsoa] / Amaia Agirre, Jon Maia
Bertsoa entzun |
2000-12-22 Elgoibar Jaialdia [Bertsoa] / Amaia Agirre, Jon Maia
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Maia:
Nahi dezuna egizu
kantatu ondoren,
ridikuloa ere
egizu nabarmen;
dirua irabazi
ta kantatu hemen,
baina ez zazu esan
zu nungoa zaren! (bis)
A. Agirre:
Euskaldun petoa naiz
jaiotzez tamalez
ta zure ustez nabil
aspadi aldrebes;
gure arten zer dagon
esan leike errez:
Tamara ondo dabil
zure ganbara ez. (bis)
Maia:
"Tamara ondo dabil"
hau entzun beharra!
Ez zera ez artista
zeu zera makarra;
España eta gure
artean ze marra...
hemen ez zera inor
eta han izarra! (bis)
A. Agirre:
Espainiar bihurtu
nintzen sos batzun truk,
baina ez naiz kantari
ez eskas, ez arrunt;
inbidia didate
maiz euskaldun batzuk;
zuek Espainin adina
desafinatzen dut. (bis)
Maia:
Horretan ona zera
zu desafinatzen,
puzkerran pare ere
ez dezu kantatzen!
Ez naiz harritzen, inoiz
bazaitut topatzen
kale kantoi batean
dirua eskatzen. (bis)
A. Agirre:
Nire eztarriai kendu
genion herdoia,
ezin onartuz zabiltz
nik dedan sasoia;
entzuleak eman dit
noiznahi arrazoia,
nahi'zunen egingo det
Santurtzin pregoia. (bis)
Maia:
Baina ez zaite porta
berriro arlote,
zure metafora ere
klinexen bat ote?
Orain izarra zera
bihar monigote,
horri "usar y tirar"
esaten diote. (bis)
A. Agirre:
Horri "usar y tirar"
esaten diote..
ni ez baina zu zatoz
gaurkoan arlote;
hontan segitzeko nik
mila borondate,
Santurtziko pub-etan
ni entzuten naute. (bis)
Datu-base honetan eskainitako informazioari buruz jakiteko, kontsultatu lege oharra