Bertsoak - Fitxa ikusi Atal honi buruz gehiago jakiteko
2000-04-15 Gabiria Sariketa [Bertsoa] / Eñaut Agirre, Estitxu Eizagirre
Bertsoa entzun |
2000-04-15 Gabiria Sariketa [Bertsoa] / Eñaut Agirre, Estitxu Eizagirre
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
E. Eizagirre:
Kanpina nola dagon
ez al da ezagun?
Gaurtik aurrera Eñaut
nik ez zaitut lagun;
kanpinakin zer kristo
ote zinen jardun...
barrikadan erdian
akanpau al zendun?
E. Agirre:
Lagunakin gustora
akanpau Ernion
ta hara gure lagunak
hasarre zer dion!
Lehenago erreparatu
biharko zenion
zeini ta zertarako
utzi behar zaion.
E. Eizagirre:
Lehendik ezagutzen det
Ernio mendia,
hara juateko sarri
daukat egarria;
han zer ibili zinan
dizut igarria:
barillekin egin zun
gurutze berria.
E. Agirre:
Ernio alde hortan
joera epela,
badakizu mutiko
formala naizela;
ta esan zenidanez
fiatzen zinela,
ibili det neria
balitza bezela.
E. Eizagirre:
Besteren kanpinakin
egiten du plana,
dana txikitutzeko
daukazu afana.
Zuria balitz bezela
didazu esana,
neri ekarri beste bat
zuria ez dana.
E. Agirre:
Aizu nere esanak
kontuan har itzazu,
nik behintzat zuriari
ez diot eingo kasu;
oso neska formala
ta ona zera zu,
hurrungo urterako
konpondu ezazu.
Datu-base honetan eskainitako informazioari buruz jakiteko, kontsultatu lege oharra