BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertso Eguna (32. 2000. Donostia)

Saioa

2000-01-29 Donostia Jaialdia

Gai-emailea

Goikoetxea, Josu

Bertsolariak / Egileak

Lizaso, Sebastian

Lana

Bakarka gaia-emanda

Jarritako gaia

Jende asko daukagu aurrean, iritzi desberdineko jendea, kamarak ditugu aurrean eta kamara horren atzean jende gehiago iritzi desberdinekin. Bertso Eguna da, egun handia bertsoarentzat; beharbada, ez da egun aproposa presoez hitz egiteko.

Deskribapena

Doinua

Mutil koxkor bat itsuaurreko

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2000-01-29 Donostia Jaialdia [Bertsoa] / Sebastian Lizaso

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Batzuek hemen besteak falta
ta etxeetan daude zai,
bizkarra ezin guk erakutsi
pilpilean dauden gauzai;
honetan behintzat elkar gaitezen,
izan behar hainbat dohai;
presoen hitza erabiltzeko
modukoa degu noiznahi,
egun guziak dira apropos
une guziak ere bai. (bis)

Batzuk irratiz entzuten edo
telebistari begira,
gure mezua iritsi bedi
presoak dauden tokira!
Gure ametsak izango ahal du
noizbait egian dizdira!
Denok batera esan dezagun,
oihu berean sikira:
garaia da-ta ekar ditzagun
presoak Euskal Herrira. (bis)

Horretarako ez da nahikoa
batzuen borondatea;
komeni dana elkartu eta
emaitzen bila joatea,
egunen baten zabal dadien
guztientzako atea
eta orduan izango degu
agian hemen pakea;
seinale txarra ez da izango
bertso gai ez izatea! (bis)