Bertsoak - Fitxa ikusi Atal honi buruz gehiago jakiteko
2002-08-31 Bidania-Goiatz Jaialdia [Bertsoa] / Anjel Mari Peñagarikano
| Bertsoa entzun |
2002-08-31 Bidania-Goiatz Jaialdia [Bertsoa] / Anjel Mari Peñagarikano
Neurria:
Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Beti euskaldun sentitzen gara
bai egunez ta bai gabaz
ta zeintzuk geran geuk azaltzeko
gu ez ote gera kapaz?
Sarri askotan nago amorruz
sarri askotan algaraz
baina egungo lema bakarra:
Euskal Herrian euskaraz
nahiz batzuk egin erdaraz.
Eta sarritan ni triste antza
nago begira jarririk
ez dagolako nere bihotza
poztuko duen berririk.
Beti euskeraz behar genuke
ez dago beste neurririk.
Nik ez nuke nahi bere hizkuntzan
mintzatzen ez den herririk. (bis)
Euskal Herrian sortu ginen gu
bertan hazi eta hezi
eta inolaz ez det joan nahi
neure herritik ihesi.
Denek ez dute hemen egiten
denek ez dute ikasi
eta egiten ez dunak ez du
euskaldun izenik mezi. (bis)
Datu-base honetan eskainitako informazioari buruz jakiteko, kontsultatu lege oharra