Bertsoak - Fitxa ikusi Atal honi buruz gehiago jakiteko
1997-11-07 Ataun Jaialdia [Bertsoa] / Andoni Egaña
Bertsoa entzun |
1997-11-07 Ataun Jaialdia [Bertsoa] / Andoni Egaña
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Hogeita hamar urte gerora
berriro ahotsa jalgi,
eta gaur ere txalo mordo bat
ez ote dezu nabari?
Lehenengo txistu, gero damutu
bertsozaleak ugari;
oraindik ere gure artean
akats normala da hori,
sarritan txistu jotzen diogu
ulertzen ez dugunari. (bis)
Konturatu naiz, une haietan
ia ez zendun ahotsik;
batzuek zeuden jenioz ozpin
eta oso gutxi pozik.
Nola arraio bota liteke
horren bertso aproposik?
Kasu honetan bertsoen maila
bigarren gauza da kasik;
horrelakorik ez du botatzen
bihotz haundi batek baizik. (bis)
Aspaldi hartan gertatu zena
gaur Sanmartinez gogora;
momentuaren liturjiakin
denok geunden txora-txora.
Gehienok txistu jo genizun ta
damutu gera gerora;
barkamen eske joan behar degu,
denok badakigu nora:
poesiaren hegoen bidez
mendi hegaletan gora. (bis)
Datu-base honetan eskainitako informazioari buruz jakiteko, kontsultatu lege oharra