Bertsoak - Fitxa ikusi Atal honi buruz gehiago jakiteko
1996-05-04 Legazpi Jaialdia [Bertsoa] / Andoni Egaña, Jon Sarasua
Bertsoa entzun |
1996-05-04 Legazpi Jaialdia [Bertsoa] / Andoni Egaña, Jon Sarasua
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J.Sarasua:
Mutil txiki polita,
etxeko loria;
bi begi urdin eta
gorri koloria;
guapo aldegin zendun,
zatoz dotoria;
lehen Andoni zinana
orain Victoria;
neretzako porrota
zure victoria.
Egaña:
Txikitan nintzen ume
pottoko gardena,
kontzientziari ezin
eman atsedena.
Joan nintzen eta hartu
Victoria izena;
neretzako poza da,
amarentzat pena;
askatasun hau dut nik
nere garaipena.
J.Sarasua:
Zuretzako nenguan
ametsez betea,
guztiak aldatzea
ez al da fuertea?
Moldatzeko badaukat
nik borondatea,
nere semetxo maite:
hurbildu zaitea,
ez, barkatu, barkartu,
alaba maitea.
Egaña:
Zuri esplikatzea
ez da atsegina;
gustoko zenduen lehen
nuen figurina
eta gorroto duzu
gaurko imajina;
ni beti izango naiz
ondorengo fina,
hau berbera baitezu
nahiz ez den berdina.
J.Sarasua:
Justifikaziotan
hemen zertan hasi?
Gu zaharrak gera baina
behar degu hezi.
Akaso ez genduen
gehiegi merezi,
baina patua zertan
aldatuarazi;
semea galdu degu,
alaba irabazi.
Egaña:
Hori esan dezu ta
harritu zeharo;
agian sorpresarik
ez zendun itxaro.
Zuk seme bat polita
zenuen lehenago,
eta hau da sorpresa!
Orain bat gehiago:
mutil jator batekin
ezkonduta nago.
J.Sarasua:
Neretzat ez da suerte
madarikatua,
nahiz eta harrigarri
zaidan gertatua.
Mutilekin ezkondu,
horra hor patua!
Aurrerantzean badut
zeinek maitatua
ta nere atso kontuak
nori kontatua.
Egaña:
Trasplante bat egin nun,
gainera Suizan;
aspaldian nenbilen
horretxen peskizan,
horixe nahi nuen ta
hala komeni zan.
Uzkur ikusten zaitut
normala den gisan;
muxu bat emateko
lotsarik ez izan.
J.Sarasua:
Muxu emango dizut,
igoal bi nahiago.
Zuk bizitzari esan
diozu "hordago".
Jada ohitzen hasi naiz,
ez da hain arraro;
gona hori altxa gabe
ez egon gehiago,
zer hori ikusteko
desiatzen nago.
Egaña:
Gure ama santa honek
hamaika birtute
zeukala pentsatuaz
pasa hainbat urte.
Maitasuna neurrian
ta morboa fuerte;
hori ikusi nahia
al daukazu zuk'e?
Erakutsiko dizut
muxuaren truke.
Datu-base honetan eskainitako informazioari buruz jakiteko, kontsultatu lege oharra