Bertsoak - Fitxa ikusi Atal honi buruz gehiago jakiteko
1996-01-13 Gasteiz Jaialdia [Bertsoa] / Xabier Amuriza, Unai Iturriaga, Aritz Lopategi, Iñaki Murua
Bertsoa entzun |
1996-01-13 Gasteiz Jaialdia [Bertsoa] / Xabier Amuriza, Unai Iturriaga, Aritz Lopategi, Iñaki Murua
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Doinua: Sorlekua utziz gero
Neurria: Berezia
Amuriza:
Kaixo Gasteiz, txistu maite,
kaixo, zer moduz Araba?
Manuel naiz, Iribarne
edota alias Fraga;
memori pixkat refreskatzeko
hartu nahi nuen parada;
etor nirekin hirurogeita
hamaseigarren hartara.
Zoriontsu heldu nintzen
martxo hartako hirura.
Mihi gaiztoek diotena:
masakrea zala hura;
alferrik mila harri botako
dizkidazue burura;
subertsioa ito nuen nik,
hilak ez zaizkit ardura.
Mila esker, txalo hoiek
eskertzen ditut barrendik;
animatzen nauzue gaur
hala bainengoen lehendik.
Zer entzutea nahi duzue, ba,
Manuel Fragarengandik?
Orduan ez zen damutu eta
ez da damutu oraindik.
Doinua: Nere senarrarekin
Neurria: 8ko txikia
A.Lopategi:
Hementxe gatoz hiru,
herri tribunala;
juzgatu nahi genduke
Fraga kriminala.
Nik sententzia badut
eta mundiala:
quien a hierro mata
a hierro hil behar dala. (bis)
Murua:
Beren eskubideen
defentsan erori;
langileen odolaz
kale danak gorri.
"Hilak ez zait ajola"
mezua igorri,
ta zuek txalo jotzen
zerrikume horri. (bis)
Iturriaga:
Masa tontoa dala
zuk ondo dakizu.
Martxoaren hirua
beldur eta izu.
Hildakoen itzalak
bost ajola dizu;
orain subertsioak
itoko zaitu zu. (bis)
A.Lopategi:
Fragari eman behar
diogu pasea;
nik jarriko nioke
kondena luzea,
pasatu beharko du
kristoren trantzea,
euskal baserri baten
morroi ipintzea. (bis)
Murua:
Parregurea eman dit
Haritzen esanak,
xelebreak baitira
berak dauzkan planak.
Manuelek nola egin
baserriko lanak?
Zuk hil nahi al dituzu
baserritar danak? (bis)
Iturriaga:
Nik bidaliko nuke
lurpeko hobira;
fuerteegia bada
parkatu ta tira!
Zuk eramango duzu
zeure baserrira
baina bere eskola
oraindik bizi da. (bis)
Doinua: Sorlekua utziz gero
Neurria: Berezia
Amuriza:
Mila esker, argibide
horrek ez dit egin kalte.
Agur Gasteiz inozoa,
agur, sekula ez arte!
Alferrik joko duzue txistu,
ez dit ardurarik bate;
zuek gorroto nauzuen beste
gailegoek maite naute.
Puntutan
Doinua: Sastarretik hasita
Neurria: 8ko txikia
Iturriaga:
Gailegoek hau maite,
ziur ote gaude?
Murua:
Seguru ez degula
bere hitzan jabe.
A.Lopategi:
Tiranteak jarrita
dabil oso trebe;
Iturriaga:
txakurrak beti txakur
jubilauta ere.
Murua:
Halare harro-harro
da hemendik joan;
A.Lopategi:
tristean aurpegirik
ez, ez du eroan.
Iturriaga:
Ze paper ote dago
horren bulegoan?
Murua:
Franco aingeru bat zan
Fragaren ondoan.
A.Lopategi:
Orain Galizian da
jauntxoek bezela;
Iturriaga:
ez dut ukatzen behintzat
tontoa ez dela;
Murua:
han ere sartuko du
ziria epela,
A.Lopategi:
narkotrafikoan be
ziur dabilela.
Iturriaga:
Honen ondorengoa
dugu Barrionuevo;
Murua:
a ze alaja fina
pentsatu ezkero!
A.Lopategi:
Holako lanerako
ai, zenbat bezero!
Iturriaga:
Ai, hauek garbitzeko
aingeruik balego!
Murua:
Bat txarra, hurrena txar,
jatorrizko, antza.
A.Lopategi:
Oraindik honek fuerte
eiten du arrantza;
Iturriaga:
Euskal Herrian ere
badugu arantza.
Murua:
Zeinek ordainduko du
Fragaren fidantza?
A.Lopategi:
Manuel Fraga gendun
izen ta abizen;
Iturriaga:
ia altu esan duzun
ohartu daitezen;
Murua:
bestela gero berak
esango du ozen.
A.Lopategi:
Gaur Atutxa be ez da
atzean gelditzen.
Iturriaga:
Zerbait esan beharko
azkenengo rondan;
Murua:
beraz, aprobetxatu
Manuel nola joan dan.
H.Lopategi:
Gauza onik ez dago
horien eskolan;
Iturriaga:
atzean geldi ez dadin
aurretik eraman.
Datu-base honetan eskainitako informazioari buruz jakiteko, kontsultatu lege oharra