BDB Bertsolaritzaren datu-basea

Informazio orokorra

Kategoria

Ez bat-batekoa

Bertsolariak / Egileak

Eizmendi, Iñaki "Basarri"

Deskribapena

Izenburua

Hain maite dudan aiton batekin

Dokumentuan jasotako izenburua

Ain maite dedan aiton batekin

Dokumentuan jasotako bertsoaren hasiera

Ain maite dedan aiton batekin sarritan ditut tratuak

Data

1955-00-00

Neurria / Estrofaren izena

Hamarreko handia (hg) / Bost puntuko handia (ip)

Bertso kopurua

6

Bertso dokumentu mota

Hemeroteka (Aldizkari eta Egunkariak)

Edukia

Dokumentua

Ikusi xdz5_btx_000476.jpg

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

La Voz de España [Egunkaria]

Atala

Mi atalaya montañera

Argitalpen / inprimatze data

1955-00-00

Hain maite dudan aiton batekin [Bertsoa] / Iñaki Eizmendi "Basarri"

Neurria:  Hamarreko handia (hg) / Bost puntuko handia (ip)  Dokumentu-mota:  Hemeroteka (Aldizkari eta Egunkariak)  Argitalpenaren izenburua:  La Voz de España [Egunkaria] Argitalpen data:  1955-00-00 
Kokapena:  XDZ - Xenpelar Dokumentazio Zentroa 

---

I
Aiñ maite dedan aiton batekiñ
sarritan ditut tratuak.
Larogei urte ditu oraintxe
beregan inguratuak.
Lengo batean, kalez kale gu,
biok besotik lotuak,
Urte gutxian aldakuntz asko
nola baigauden artuak.
Bertsotan jarri nai dizkitzutet
esan zizkidan kontuak.

II
Gazte maitea ---esaten zidan---
gauzak bai oker daudela.
Gu sasoikoak giñan denboran
etziran beintzat onela.
Aundikeri ta lujoko griñak
¡gaur bai indar daukatela!
Ekaitz gogorrak gure soroak
galtzen dituen bezela...
sinista zazu emakumeak
galdu bear gaituztela.

III
---¿Bañan, aitona, ainbat pekatu
al du emakumezkoak?
---Bai, gazte maite, oien jokerak
ez dira itxurazkoak.
Berak printzesak bezela jantzi;
zikiñ etxeko zokoak.
Lanari uzkur, baña festara
azkar aldatu zankoak.
Gipuzkoako lengo alabak
etziran orrela[k]oak.

IV
Gaur ille beltza baldin badute,
biar oria buruan
Ezpañak eta azkazal gañak
piper autsaren moduan.
Usai gozorik entzungo dezu
pasatuz beren onduan.
Gazteak pentsa bear luteke
garai datorren orduan
Orrelako bat lagun artuta
zer etorkizun daguan.

V
Nobelak ondo irakurrita
gabez zinetara irten.
Guraso zarrak negar egiñez
sutondoan itxogiten.
Beren izkuntza bajutzat bota,
ta beste bat itzegiten
Noizbait ezkondu, ta... asitakoan
etxeko lanak egiten...
Sua nolatan pizten dan ere
askok ez dute jakiten.

VI
Musu, betazal, da gañontzeko,
margo ta autsez beteak.
Apainduri ta lujoz aberats,
eta maian arloteak.
Etxean falta izaten dira
kanpora errez boteak.
Zorigaitzeko aundinai orrek
ekarri ditun kalteak.
¡Egun onenak ikusi zitun
gure Gipuzku maiteak!

Hain maite dudan aiton batekin [Bertsoa] / Iñaki Eizmendi "Basarri"

Neurria:  Hamarreko handia (hg) / Bost puntuko handia (ip)  Dokumentu-mota:  Hemeroteka (Aldizkari eta Egunkariak)  Argitalpenaren izenburua:  La Voz de España [Egunkaria] Argitalpen data:  1955-00-00 
Kokapena:  XDZ - Xenpelar Dokumentazio Zentroa 

---

Ikusi dokumentuak:

xdz5_btx_000476.tif

xdz5_btx_000476.tif