Bertsoak - Fitxa ikusi Atal honi buruz gehiago jakiteko
Bertsoak Lezoko mendian gainean jarriak [Bertsoa]
Bertsoak Lezoko mendian gainean jarriak [Bertsoa]
Neurria:
Zortziko handia (hg) / Lau puntuko handia (ip)
Dokumentu-mota:
Ordenadore dokumentua
Kokapena:
XDZ - Xenpelar Dokumentazio Zentroa
1
Milla pasata bederatzireun
ogeita hamaika urte;
Jose onekin lezoar askok
esperantza ona daukate;
bere fabore izandu giñan
eun da larogei botante,
nere partetik denbora askuan
izan dedilla alkate
2
Lezoko alkate aukeratua
izantzan Jose Gezala;
erriko pestak prestatu ditu
aspaldiyan ez bezela;
aurretik ere bagenekigun
ortan sayatuko zala;
gure Jaungoikoak urte askuan
onela kontserba dezala
3
Nazio ontan zabaldua da
jaun aundi onen itzala;
neronek ere ezagutu nuan
txiki txikia ninzala;
erriko lanetan zuzen dabill
gizon txintxuak bezela;
desiyo diyot urte askuan
berak goberna dezala.
4
Zapiraiñ orrek atertu gabe
gu gatik zitalkeria
bueltan zerbait ipintzeko,
daukat arrazoi biria;
Ixil ixillik egon ezkero
nuke askoz obia;
gure Jainkuak eginduan
pazientzirik gabia.
5
Matadera ta arrandeya
pelota leku berriak,
eskola egiteko diru morduak,
Estadutik etorriak;
leno etziran petxak ipiñi,
arreglatu iturriyak;
eun milla pezten zorrak
orduban egin zituen erriak.
6
Nere etxian izandu ziñan,
ni beretaratutzeko;
martxa koskorra igarri nion
erriya gobernatzeko;
kapitan zarra aurrian eta
kintuak laguntzeko;
kuadrilla ederra jarri zeikian
beste mendi bat saltzeko
7
Mendiya eman Ondarrabiri
ta kaltia guretzako;
piñuak sartu etxe aurrian,
baserriyak ondatzeko,
obligatuak gelditu ziran
ganadau dana kentzeko;
orra nolako paraderua
artzai zebill zanentzako.
8
Zikiro ta ardi mendibei asko,
dana betia biorrez;
uda da negua laguntza gabe
mantentz ziraden errez;
zorionek Primo Ribera
orreñ denboran indarrez;
saldu ziguten mendia eta
gelditu giñan negarrez
9
Len Jaizkibelen ganadu asko
zuen Lezoko erriyak;
urte askuen inbiri pranko
pasadu Ondarrabiyak;
Sagarzazu ta Salaberria
alkar artu zuten biyak;
Gezala zarra bazan Alkate
guretzat ziran mendiyak
10
Millaka pestak urtiak bota,
biriak konpontzeko;
Abazil jauna atian deika
pajinara azaltzeko.
Sei urteta bein erreparua,
bazterrak engañatzeko;
orra nolako alibiyua
baserritararentzako.
11
Oraingo Udalak esan biardet
nola dituan ideak;
eskola egin Txatxamendin
ta arreglatu bideak;
desiatzen du zakarra libre
erriko bezindadiak,
guk oyentzako gorde nai ditugu
torre aldeko larriak.
12
Autoridade berriyak jarri
giñan Lezoko partian,
guregatikan zer itzegiña
paper guztiyak betian;
kontastatzera pentsatu nuan
aurreko egun batian;
nere Lezoko anai maiteak,
gabiltzan pake pakian.
Datu-base honetan eskainitako informazioari buruz jakiteko, kontsultatu lege oharra