BDB Bertsolaritzaren datu-basea

Informazio orokorra

Kategoria

Ez bat-batekoa

Bertsolariak / Egileak

Agirre Goia, Unai

Deskribapena

Izenburua

Gerra Zibila

Dokumentuan jasotako izenburua

Gerra Zibila

Dokumentuan jasotako bertsoaren hasiera

Hernani herri bildua; bizi beharrak zaildua

Doinua

Ikusten duzu goizean

Neurria / Estrofaren izena

Zortzikoa, berdinaren moldekoa, 7 puntuz (hg) / Zazpi puntukoa, berdinaren moldekoa (ip)

Bertso kopurua

7

Bertso dokumentu mota

Hemeroteka (Aldizkari eta Egunkariak)

Edukia

Interneten

http://www.argia.com/argia-astekaria/2311/gerra-zibila

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Argia [Aldizkaria]

Liburukia / Urtea

75

Zenbakia

2311

Orrialdeak

24

Argitalpen / inprimatze data

2012-02-19

Gerra Zibila [Bertsoa] / Unai Agirre Goia

Neurria:  Zortzikoa, berdinaren moldekoa, 7 puntuz (hg) / Zazpi puntukoa, berdinaren moldekoa (ip)  Dokumentu-mota:  Hemeroteka (Aldizkari eta Egunkariak)  Argitalpenaren izenburua:  Argia [Aldizkaria] Argitalpen data:  2012-02-19 
Kokapena:  XDZ - Xenpelar Dokumentazio Zentroa 

---

I
Hernani herri bildua;
bizi beharrak zaildua;
lanean korapildua.
Mila beatzirehun hogeita hamasei
triste hartan abaildua;
nahigabean amildua;
uztail beltzak umildua;
tiro hotsek isildua.

II
Gerrako abioi tutu,
lubaki erdi-ezkutu,
elkarren aurka estutu…
Kanposantuko pareta zaharrek
zer ez zuten ezagutu?
Zahar eta gazteak juntu,
bala errazen jo-puntu;
orduan ziren mututu.
III
Herri honen azpi lotsak,
desberdinak guztiontzat,
zer indar dun heriotzak!
Galarretatik Tellerigaina
zeramazkiten hilotzak…
hausten zituen bihotzak,
eta isiltasun hotzak:
gurdiaren negar hotsak.
IV
Herriko jende aparta
lurperatu zen hamarka,
zapata eta abarka;
izeba zenak, izen abizen,
esan zizkidan bakarka…
falangista eta carca
denez oroitzea marka!
ta ni mututzea barka…
V
Suntsitze antolamendu
hau da gordean mantendu,
nahiz ta seguru gauden gu.
Ondarretako kartzela zena
gogotikan ezin kendu!
Urri, azaro, abendu,
itsasoak ekartzen du,
baldin entzun nahi bagendu.
VI
Galdutakoen altzora,
oroigarri eta lora,
jarri duenik asko da.
Hor lurperatu omen zituzten
berrehun gorputzetik gora;
berriz hezurrak kanpora,
eraman ziren gerora,
norbaitek badaki nora…
VII
Kanpandorreko ezkila;
agonian norbait hila,
hiru urtez zenbait mila…
Hernanin hainbat hildako utziz
joan zen Gerra Zibila;
askok jarraitzen du bila,
eskatuz entzun dadila:
GERRAREN OIHU ISILA