Bertsoak - Fitxa ikusi Atal honi buruz gehiago jakiteko
Guk ez dugu ezer irensten [Bertsoa] / Beñat Vidal
Guk ez dugu ezer irensten [Bertsoa] / Beñat Vidal
Neurria:
Hamarreko txikia (hg) / Bost puntuko txikia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2012-02-13
Kokapena:
XDZ - Xenpelar Dokumentazio Zentroa
Irudi honek zera
gogorarazi dit;
itxura hori ez du
igelak bakarrik…
Ai! Bat baino gehiago
ikusia dut nik,
sofan erdi botata
beste ezer barik
telebistari adi
ahoa zabalik.
Albistegiei heltzen
zaie bere txanda,
albisteen bitartez
sasi-propaganda,
berunezko diskoak
gabiltz ezin janda.
Irensten ez dugunak
musturrean danba!
jotzen digu, gainera
galanta emanda.
Askoz hobeto gaude
igelak ahaztuta,
irentsi nahi duguna
guk geuk hautatuta.
Ahorik ez ba itxi,
kontuan hartuta
hobe dugula ozen
aldarrikatuta,
guk gure eskualdean
daukagula UK!
Datu-base honetan eskainitako informazioari buruz jakiteko, kontsultatu lege oharra