Bertsoak - Fitxa ikusi Atal honi buruz gehiago jakiteko
Diputatu batekin hizketan jarriak [Bertsoa] / Xabi Paya
Diputatu batekin hizketan jarriak [Bertsoa] / Xabi Paya
Neurria:
Lauko txikia (hg) / Bi puntuko txikia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Argia [Aldizkaria] Argitalpen data:
2012-06-03
Kokapena:
XDZ - Xenpelar Dokumentazio Zentroa
0
Horoskopoa, Taurus,
Onintza, izena,
Enbeitatarren leinu zaharreko
“nietisima” dena.
Diputatu berria
espainolen Mekan...
ea neurtzen dituen hitzak
hitz-neurtuetan.
I
Antiguedad badoa,
badator gaztea:
eta ganera neska,
zelako nahastea!
Errekondori mahukak
jaistera al zoaz?
Ez. Hobeto legoke
gorago jasoaz.
II
Berez, han bada zure
glamourraren falta:
nire ondoan zer dira
bada, bi, infanta?
Nola jantziko zara
lehen egunean?
Segun ze eguraldi
dan kapitalean.
III
Madril ez da Muxika,
ba al dakizu hori?
Ez daukat garbi, baina
ez esan inori!
Salamanca auzoa,
karua da, kontuz!
Lavapiés, La Latina…
aukerak badoguz!
IV
Maitemindu ezkero
PPko batekin...
bihotzari ukorik
ezin jako egin…
Zuk denei irri egin
Pantojak bezala...
berak eskertuko deust
propaganda, ala?
V
Bizkaiko Txapelketa
tokatzen da aurten...
entrenatzera noa
hemiziklo baten!
Diputatu bat ote,
Bizkaiko Txapeldun?
Urte baten titulo
lartxo dira, lagun!
VI
Marianori kendu
artaziak behingoz
aspaldian bizi da
herriari lepoz.
Beharko duzu eta
zorte on, Onintza:
datorren legez hartu
behar da bizitza!
Datu-base honetan eskainitako informazioari buruz jakiteko, kontsultatu lege oharra