Bertsoak - Fitxa ikusi Atal honi buruz gehiago jakiteko
Montebideoren aipu handiak [Bertsoa] / Martin Halsouet "Ttipi Urruñarra"
Montebideoren aipu handiak [Bertsoa] / Martin Halsouet "Ttipi Urruñarra"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Montebideoren aipu handiak
Niri eman dauzkit alegerantziak
Deliberaturik harat juaitia
Zer zorokeria!
Esperantzarekin han aberastia
Ethorri zait idia.
II
Juan behar naizela erran diot amari
Hark ez ninduen nihondik utzi nahi
Nolaspeit gan nahi bortxa eginik hari
Orobat aitari
Gero urrikiak baitzaizkit etorri
Eginikan lan hori.
III
Aita amak dire jarri tristezian
Hitzeman nuela aditu zutenian
Ni heien aldian nigarra begian
Ilun bihotzian
Ez jakin nola egin heien kitatzian
Jarri naiz tristezian.
IV
Ama eriturik ohian zait gelditu
Nere solas onez ezin dut kontsolatu
Ama ez khekhatu huts eginez barkatu
Behar naiz partitu
Nik egin fortunak zuk izanen tutzu
Har ezazu deskantsu.
V
Untzia pasaian bere marinelekin
Ni engaiatua guateko harekin
Ezin despeitu familiarekin
Aita eta amarekin
Eta aubridekin han baken zer egin
Orok bihotzian min.
VI
Adio aita eta ama aubride maitiak
Hauzo adiskide ahaide guziak
Nere sor lekua bai eta mendiak
Usten tut guziak
Nere tristeziak zuen kitatziak
Ez dirare xumiak.
VII
Kantu hauk eman ditu Urruñako ttipik
Ez zitaken mintza arrutinatik baizik
Ez tu eskolarik, ez prinzipiorik
Malur du hortarik
Ibili izan balitz eskolan gazterik
Bazuken orotarik.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra