Bertsoak - Fitxa ikusi Atal honi buruz gehiago jakiteko
Bozkario handi bat bada [Bertsoa] / Leon Elizanburu
Bozkario handi bat bada [Bertsoa] / Leon Elizanburu
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Bozkario handi bat bada gure baithan
Zeren Eliza bestak diren herri huntan,
Nola eginak garen ez dirogu erran,
Atsegin gaindizkoak gaitu hola eman. (bis)
II
Huna beraz non zaren, Besta, ethorria,
Aspalditik zintugun ikhusi nahia,
Plazarat egin duzu gaur gure galdia,
Han izanen dugula behar den guzia. (bis)
III
Gazteak heldu gare elkhar beroturik,
Lekhu maite hortarat ongi aphaindurik,
Urtheak ez daroku emaiten egunik,
Hunek bezanbat plazer egiten daukunik. (bis)
IV
Zuek ere Neskatxak, bazohazte arin,
Norat hari zareten nahi nuke jakin,
Egun herrian besta behar dugu egin,
Han jostaturen gare, goazen elkharrekin. (bis)
V
Gure besta ederra zare maithagarri,
Zu gabe ez ginuke nehork bizi nahi,
Erremedio onak baditutzu bethi,
Sendatzen dituztenak hainitz bihotz eri. (bis)
VI
Denbora guzietan hola nauk izatu,
Ni maithatu nauena nekez duk zahartu,
Beharretan zirenak ditiat lagundu,
Nahi gabe guziak bihotzetik khendu. (bis)
VII
Huna nun den gizona lau hogoi urthetan,
Musika bezain heze oraino bestetan,
Gaztean zenbait dantza emana plazetan,
Ikhusterat heldu da Urthe guzietan. (Bis)
VIII
Egiazki, zu Besta, hainitz zare ona,
Ezin daiteke unha zurekin gizona,
Heldu bazinitzaizku gu ganat ardura,
Aisa pasa giniro munduko denbora. (bis)
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra