Bertsoak - Fitxa ikusi Atal honi buruz gehiago jakiteko
Super Flumina Babylonis [Bertsoa] / Martin Arrupe "Darrupe"
Super Flumina Babylonis [Bertsoa] / Martin Arrupe "Darrupe"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Babiloniako uren bazterrean
Minez gare jarri iphuru gainean;
Eta han, oi Zion, zutaz orhoitzean,
Oro eman gare nigar uharretan.
II
Gure arrabitak zumeliketarik
Dilindan hor daude... beude hor ixilik!
Ilkhi gaituztenek gure herritarik
Galdetzen daukute gure kantetarik.
III
Hunat gaituztenek ekharri gathibu
Entzun nahi dute hango zenbait kantu.
Oi bainan guk nola zer hymno sakratu
Atze herri hunetan kanta dezakegu?
IV
Ahanzten bazaitut, Zion onhetsia,
Hemen ihar bekit eskuin alderdia!
Orhoitzen ez banaiz zutaz, oi herria,
Aho gainari loth daidala mihia!
V
Zutaz bethi, zutaz nere asmuetan...
Zurekin gogoa...bihotza zu baithan...!
Zutaz kanpo banu irri bat hortzetan,
Nihon bozten banaiz, hil benedi bertan!
VI
Orhoit zaite, Jauna, Edomen semeaz,
Zion herrausteko egun gogor hartaz,
Edom nola zagon izkola, marrumaz;
Xahu! Xahu dena burdin eta suaz!
VII
Babilondar andre gaixtagina, hiri,
Neri egin gaitza bekian itzuli!
Haurra bekiaten bota harriari!
Ez hazala nihork izan urrikari!
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra