Bertsoak - Fitxa ikusi Atal honi buruz gehiago jakiteko
Gure andreak denak krenolin [Bertsoa] / Leon Elizanburu
Gure andreak denak krenolin [Bertsoa] / Leon Elizanburu
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Bertsuak nahi ditut orai athera,
Ixilik banindago banuke pena,
Baina neke da!
Krenolinaz baizikan solasik ez da,
Hauxe da besta
Satanek etzezaken bertzerik pentsa.
II
Andreak eman zaizku Krenolinetan,
Beharragorik etzen familietan,
Geihenetan,
Horrek onduko gaitik gure zorretan,
Botikak hetan
Akabo, eroriak gaituk errekan.
III
Hamalau berga oihal ez duk itsusi,
Krenolina batentzat ez dela aski,
Ez gaituk gaizki;
Moda hori lehenik nork du ikhasi,
Egiten hasi,
Paga nezakek ongi nor den banaki.
IV
Batzuek aise eta, bertzeak nekez,
Bazterrak bethe dira, bai, krenolinez
Gauza ederrez!
Gupela bezain zabal dira beherez,
Konkorrak gainez!
Gorde behar litazke jenden ahalkez.
V
Iragan egun batez, zen Komedia,
Plaza baten erdian ikhusgarria,
Hango irria,
Andre bat zen piayaz joan nahia,
Ezin abia!
Karrosan etziron sar gibel aldia.
VI
Postillon bat Kaskoina, juramentuka,
Bethi krenolinari eskuz pusaka,
Diu bibanka:
Zenbat ehun puskez dun egina hanka,
Hori dun arkha!
Karrosan ez haiteke hola enbarka.
VII
Lehen mintzatzen ginen gu alkharrekin,
Arthoz ezin asea zela gurekin,
Bazen zer egin,
Orai gure andreak denak Krenolin
Alabak bardin!
Nola hari zaizkigun nork diro jakin.
VIII
Urguilu, Malurosa, hi habilana
Guri eman arazten hainbertze pena,
Bai eta gerla
Krenolinak emaiten balauk orena
Hilen haizena,
Gal dadien bethikotz hire izena.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra