BDB Bertsolaritzaren datu-basea

Informazio orokorra

Kategoria

Ez bat-batekoa

Aldizkako Ekitaldia

Lore Jokoak (8. 1858. Urruña) Idatzizkoa

Bertsolariak / Egileak

Palassie, Joseph

Deskribapena

Izenburua

Montevidoko eskaldunen dolamenak

Dokumentuan jasotako izenburua

Montevidoko eskaldunen dolamenak

Dokumentuan jasotako bertsoaren hasiera

Kanbo gaineko inguru zoragarrian, hazi izan naiz bizi gozo batian

Data

1858-08-25

Doinua (txt)

Mur de Granjan, Donibaneko Jaun aphez zenaren kantua

Bertso kopurua

11

Bertso dokumentu mota

Liburua

Edukia

Interneten

http://hedatuz.euskomedia.org/4008/

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Anton Abbadiaren koplarien guduak (1851-1897) : Bertso Bilduma [Liburua]

Montevidoko eskaldunen dolamenak [Bertsoa] / Joseph Palassie

Dokumentu-mota:  Liburua  Argitalpenaren izenburua:  Anton Abbadiaren koplarien guduak (1851-1897) : Bertso Bilduma [Liburua]
Kokapena:  XDZ - Xenpelar Dokumentazio Zentroa 

---

I
Kanbo gaineko inguru zoragarrian,
Hazi izan naiz bizi gozo batian,
Aita, ama onen hegian,
Maitia nuen herrian,
Orai gautxuen erdian
Bizi naiz ezerian.

II
Gizon bat jenik herrira Montevidotik,
Dena espantu, ezin kasa etxetik,
Ordutik jaun harengatik,
Airatu ginen herritik,
Hain ongi ginen tokitik,
Zoko haren ondotik.

III
Bortz aste bethe egotu ginen Pasaian,
Jaunak badaki zer pairatu dugun han;
Sosik ez, ez izan zer jan,
Nolazbeit bizi pilaian,
Finean sartu untzian,
Nigar sorta begian.

IV
Montevidora noizbeit ere ginen heldu,
Gure begiak ordu hartan argitu,
Ezagun franko aurkhitu,
Gu ikus eta harritu,
Nola garen enganatu,
Hemen dugu frogatu.

V
Montevideon guretzat nehon lanik ez,
Famak bai handi, bainan oro gezurrez,
Urrungo eltzeak urhez,
Etxerat orduko lurrez;
Zoratuak hitz ederrez,
Hemen gaude nigarrez.

VI
Erran dezaket frogatzen baitut ongi nik,
Montevideon deusik ez dela onik,
Ez izan hemengo minik,
Zaude hor arthua janik,
Hemen ez da eskaldunik,
Bortz sos bere duenik.

VII
Itxasoari besuak ditut zabaltzen,
Eskal herria oihuz galdetzen,
Mundarra diot aiphatzen,
Larrunez nago mintzatzen,
Lau egun hetaz pentsatzen,
Heien minez naiz hiltzen.

VIII
Mundarra Mendi, nihondik ezin naiteke
Bizi munduan zu maiz aiphatu gabe,
Hor diren ithurri, lore,
Guziez orhoitzen gare,
Hemen hiltzen banaiz ere
Azken hatsa nik zure.

IX
Bethi auhenka, oi! hau dolore samina!
Urthua nago, dena hezur egina,
Bortz aldiz egin dut zina,
Kantatuz super flumina,
Sekulan ez ahanzteko
Eskal herriko mina.

X
Oi! ezin aski prezatuzko eskal herri!
Bizi naizeno ene hats penak zuri,
Mihia aho gangari,
Lothua geldi beit niri,
Ni sekulan banindadi
Zu maithatzetik geldi.

XI
Eskal Herria, adio aphur bateko,
Sekulan bethi zutaz dut phentsatuko,
Jaunari dut eskatuko
Graziaz fagoratzeko,
Lur maite, lur saindu hortan
Biziaren uzteko.

- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/