Bertsoak - Fitxa ikusi Atal honi buruz gehiago jakiteko
Aberatsa zenbat den estimagarria [Bertsoa] / Martin Arrupe "Darrupe"
Aberatsa zenbat den estimagarria [Bertsoa] / Martin Arrupe "Darrupe"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Aberatsa zenbat den estimagarria,
berenaz baldin bada bihotz idekia,
Herrian sentitzen da holakoen ukia,
Aiphatzera noha Dabbadi handia.
II
Zoin maitagarria den jaun hori herrian,
Erran nahia nintzen gan den aspaldian,
Denek jakin dezaten Frantzian, Espainian,
Eta ahal bada Eropa guzian.
III
Nahiz zaharregia edo gaztegia,
Langilearentzat du bethi arraizia,
Zenbaitek horri esker jaten dute ogia,
Izan bedi luze jaun horren bizia.
IV
Bordarientzat ere zoin den nausi ona,
Ezin pagatua da holako gizona,
Desiratzen diogu bihotzez osasuna,
Gertha dakiola desira duena.
V
Herriko bestak ere zoin alegeraki,
Hauk ere zoini esker, jendeak badaki,
Kanta dezagun, beraz, ahal bezin goraki,
Lodi eta mehe musikan ederki.
VI
Pilota partida da ederra jokatzen,
Jaun horrek duelakotz dirua ematen,
Zenbatek horri esker duten atsegin hartzen,
Egun gare hasten bihotzez laudatzen.
VII
Besta laugarrenean behi esnedunak,
Larrungo inguruan sortuak direnak,
Jaun horrek eman ditu usario hauk denak,
Bizi deno segur iraunen dutenak.
VIII
Herriko ostalerak ere lorietan,
Hainitz saltzen dutela egun horietan,
Berria hedatu da inguru guzietan,
Eskerrak jaun hori, eskerrak miletan.
IX
Heldu den urte arte adio Dabbadi,
Gelditzen garelarik zure zerbitzari,
Galdetuko diogu gure Jainko onari,
Xede on horien irautea zuri.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra