Bertsoak - Fitxa ikusi Atal honi buruz gehiago jakiteko
Bai, behar dut mintzatu [Bertsoa] / Joanes Etxeto "Senpereko Errient"
Bai, behar dut mintzatu [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Bai, behar dut mintzatu,
Kargua hala dut hartu,
Ostatuko hara hunez.
Han eiten diren laidoez,
O hasten naiz erraiten,
Errepikaz kantatzen.
II
Ostatuetan gizonak,
Nola urean arrainak,
Atseinetan ahanzten dire,
Han guziak kontent dire,
Handik atheraz geroz,
Nausiak dire ahoz.
III
Eskualdunak hobetu,
Ostatuak kitatu.
Hartua hango libertatiez
Bai eta dizipazioniez
Ahanztein tu debuarrak,
Baita etxeko aferak.
IV
Arno edela famosak
Baditu maiz kanpuan hatsak
Bere biziuen estaltzeko,
Deboxkerien itzaltzeko,
Etxea zorrez kargatu eta,
Segur du handik konjita.
V
Bertsu hau ostalerentzat,
Hek ere aipha ditentzat.
Gizonak saretan hatzemateko,
Han hek laketarazteko,
Eiten dituzte entortak
Horra maiz heien phestak.
VI
O bada arrangura,
Seurki ostalerentza,
Saltzen dute arnua eta ura,
Erranez hau arno purra,
Gauza hau kontrakoa da,
Jainkuaz jujatuko da.
VII
Gizonek behar dute,
Launentzat karitate,
Abusuak erreprenituz
Beharretan elgar lagunduz,
Eginez gisa hortan,
Urus dire orotan.
VIII
Gizon zuhurrak behar tu
Arrazoin hauk ongi hartu,
Bethi jarraikiz intresari,
Bere etxeko protxuari,
Hola gobernatzen bada,
Hunen phartia ona da.
IX
O aditu behar da
Aberaziua kalte da.
Estekatuz diruari,
Guthi behatuz ohoriari,
Pasatzeintu negurriak,
Ahanzten onhestatiak.
X
Bi bide beraz badire,
Hautu hortan lanak dire.
Bata da zuhurrarena,
Bertzia erhoarena,
Ongi pensatzen duenak
Einen tu afera onak.
XI
Mundu huntako bizia,
O labur da gizona,
Zer nahi duzu pentsatu,
Bertze mundukoa irrixkatu.
Gaizki gidatzen bazare,
Lezerat joanen zare.
XII
Frantsesen gidaria,
Da enperadoria.
Horren legeak beiratuz
Baita manuak kunplituz
Behar da gure bonurra
Hori gauza segurra.
XIII
Napoleon du izena,
Orobat osabarena,
Hunen talenduetarik
Hartu du zenbait segurrik,
Hola gobernatzen bada,
Haren plana hobia da.
XIV
Haren majestatea
Orok dugun ohora,
Handiak eta xumeak,
Aberats eta pobreak
Gaiten horri sumeti,
Joanen gira prestuki.
XV
Xefa horren baliua
Da ezin estimatua
Gobernatzen du Frantzia,
Hala aitak familia,
Einez bere bonurra,
Eiten du ere berea.
XVI
Puxantzia estranjerek
Orobat populu xehek
Xefa hau laudatzen dute,
Horren ahala bantatzen dute,
Hori dela medio
Dezagun altxa gorago.
XVII
Bertsu hauien autora,
Da sortzez itsasuarra,
Trabailatzen da Senperen
Ignoranten instruitzen,
Ongia du pensuan
Gazterien aldean.
XVIII
Kobla hauien jujeak
Baditut jaun handiak,
Haier ditut sumetitzen
Baita errekomendatzen.
Othoiztein tut graziaz,
Har ditzaten egiaz.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra