Bertsoak - Fitxa ikusi Atal honi buruz gehiago jakiteko
Eskualduna: Oi! Frantziako untzia [Bertsoa] / Jean Baptiste Larralde "Dr. Larralde"
Eskualduna: Oi! Frantziako untzia [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Oi! Frantziako untzia,
Mila lanjerretan,
Trebeska zen jarria,
Itsas-hautsietan,
Lema kasik utzia,
Bai, galtzerat zohan
Napoleon handia
Ez balitz han izan.
II
Jaun horrek zabalerat
Untzia pusatu,
Hiriskutik kanporat
Urrun egorri du,
Orai bela bethean
Haizez lagundua,
Dabila popa-airean,
Ungi gidatua.
III
Zorigaitzean gauzak
Denborak higatzen,
Gizonik handienak
Harren trabek hartzen,
Horla beraz untzia
Ez da mendetako,
Helas! ez gidaria
Gazte arin bethiko.
IV
Nahiz berri tristea
Ez izan beldurrik,
Huna nun den semea,
Aitaren ondotik,
Eskualdun bat denean
Leman ezarria
Bai, nahiz tirainpean,
Ungi zoak untzia.
V
Horrela aintzindaria,
Eskuetan dugu,
Phuskatzen bada untzia
Gai onak baitugu,
Gernikako haritzak,
Haurraz orhoiturik
Bere adar hoberenak
Ematen gogotik.
VI
Untzi pare gabea,
Segi beraz bozik,
Nekhe duk higaltzea,
Egunaz segurik,
Bethor gau ilhunena,
Bardin hiretako,
Izarrik ederrena
Hor duk argitzeko.
VII
Othoitz egin dezagun
Denek Jainkoari,
Eman diotzan lagun
Gure printzeari,
Bere armada guziak
Dohain guziekin
Izan dezan Frantziak
Indar etsaiekin.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra