Bertsoak - Fitxa ikusi Atal honi buruz gehiago jakiteko
Zenbat hitzuntzi! [Bertsoa] / Gratien Adema "Zalduby"
Zenbat hitzuntzi! [Bertsoa] / Gratien Adema "Zalduby"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Gure herri xumetan
Zenbat hitzuntzi!
Heien mihi phozoiak
Bethi pitzitzi,
Nausituz dotzi,
Nahiz hobe litezken
Bere gisa utzi,
Zokhoan ahantzi,
Phertsu hautaz diotet
Mila goraintzi.
II
Beren egitekoak
Ez aski izanez
Noiz nahi khexu dire,
Nor nahirenez
Makhur xuxenez,
Lehor egin hurrenak
Gauza arinenez
Dagozi minez,
Ez hekien gogorat
Orok eginez.
III
Nun zer gaizki diteken
Bilha dabiltza!
Phorroskatzeko baizen
Ez daizte mintza,
Kasta hezgaitza!
Bipera ausikia
Bezein borthitza,
Da hoien hitza,
Nork hek egin kalteak
Othe dakitza!
IV
Izan dagin egia
Edo gezurra,
Zer nahitan sarthua
Dute sudurra.
Tresna segurra!
Xuxen ezagutzeko
Nun den makhurra
Juje zuhurra!
Hark antolatu gauza
Guardia urra!
V
Nor da heien mihian
Garbia denik?
Azkenik aiphatua
Da zikhinenik,
Ez dut uste nik
Badenez uli beltzik
Ez listafinik
Hain phozoindunik.
Sistakoa hek bezein
Samin dutenik.
VI
Akhelarren omen da
Sorgina frango,
Galtxagorrik soinu joz
Aika putingo!
Salto ta bringo.
Mihi gaixtoak hobe
Litezke hango
Bertze nihungo.
Ondikoz kasta hori
Baita behingo!
VII
Emazte mihi luze
Moko meharra,
Bazter nahastaileak
Eta ozarrak,
Bihotz eiharrak!
Berak ixil ixila
Egon beharrak
Medisent tzarrak
Puies aparta Satan
Akhelartarrak!
VIII
Nahiz gerez ez garen
Hain maithagarri,
Dezagun amodio
Ekhar elgarri*
Eta sokhorri
Lege hoi izan bedi
Gure uztarri
Eta lokharri
Hola da bizitzea
Loriagarri.
* aldakia:
Agur eta amodio
dugu ekharri
behar elkarri.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra