Bertsoak - Fitxa ikusi Atal honi buruz gehiago jakiteko
Urak eta gure arnuak [Bertsoa] / Joanes Etxeto "Senpereko Errient"
Urak eta gure arnuak [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I Urak eta gure arnuak
Hartu dukete disputa.
Urari dio gure arnoak:
Hakit hemendik aparta.
Refr. :
Zer da hire banitatea,
Neurekin konparatzeko?
Zer da hire pretenzionea!
Neurekin balsan jartzeko! (bis)
II
Urak dio gure arnoari:
Zoin fanfarrana haizen hi!
Hi haiz guzien erhogarri,
Orok gaitzesten haute hi.
Zer da...
III
Nik baditinat mahastiak,
Fruitu ederrez betheak,
Harat sartzen diren guziak
Atheratzen tun aseak.
Zer da...
IV
Nik baditiat ithurriak
Kristaila bezen argiak,
Hik erhotu tukan guziak
Han dituzkek zuhurtuak.
Zer da...
V
Ni naun nekhatzale onetan
Indarraren emailea,
Bai eta hik flakatuetan
Ongi sustengatzailea.
Zer da...
VI
Zer da etxeko zerbitzuan,
Ni gabe egiten denik?
Gauza guzien preparuan
Ni nauk hartua lehenik.
Zer da...
VII
Ni naun oroz preferatua,
Errepas handienetan,
Segurki haiz mezprezatua,
Ni laudatzen nautenetan.
Zer da...
VIII
Hik dituk familak nahasten,
Hitan fida direnetan.
Bai-ta etxeak janarazten,
Hi Jainkotzat hautenetan.
Zer da...
IX
Ni naun erien sokhorria,
Bai eta altxagarria.
Ez dun zeren kontra abia.
Ez dun hiretzat hauzia.
X
Ni nauk jende freskatzailea,
Hik berotu tukanetan,
Bai eta kontsolatzailea
Hik xahutu tukanetan.
Zer da...
XI
Nik dinat ematen kuraia,
Hainitz gudu suertetan.
ez hadila beraz engaia,
Oi, neure kontra kantetan.
Zer da...
XII
Ni naun phestetan enplegatzen,
Ponpa handitan ibiltzen.
Nik ditinat alegeratzen
Ni naiten ongi trinkatzen.
Zer da...
XIII
Neure kantak dituk prestuak,
Bai eta zuhurrarenak.
Hiriak dituk deboxkeriak
Bai etare nabarmenak.
Zer da...
XIV
Hik dituk dantzan harrarazten,
Buruan jo tukanetan,
Solas lizunak sorrarazten
Hik zoratu tukanetan.
Zer da...
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra