Bertsoak - Fitxa ikusi Atal honi buruz gehiago jakiteko
Gaizki hurrenduko naiz! Zerengatik? [Bertsoa] / Azkonzabal
Gaizki hurrenduko naiz! Zerengatik? [Bertsoa] / Azkonzabal
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Gazte denen zuhaitza
Behar da habetu,
Bihurtu arte haitza
Ez hartaz gabetu,
Ttipi deno oihana
Hartaz baliatu,
Haur danik ere lana
Bihotzez maitatu.
II
Zorigaitzean nitzen
Aspaldi aurkhitu,
Sortu geroz nagitzen
Jadanik nausitu.
Ene nahi guziak
Nituen bethetzen
Bethi gaixtokeriak
Ninduen lakhetzen.
III
Ahala nuenean
Etxeko hauzoan
Aro ontzen menean
Baratze gozoan.
Ziren sagar ederrak
Nituen ebasten
Gazte diren alferrak
Ez dire hazten.
IV
Geroztikan noiz ote
Handitzean hasi.
Ez egorriz lanketa
Nik zer ez ikhasi.
Ez nuen nahi lanik
Nork emanen gura
Beharra ez izanik
Ni ohoin ardura.
V
Ebatsi dut dirua
Nik ongi jateko
Gero urre zakua
Jauna izaiteko.
Bainan nik azkenean
Ahalak ebasten
Eta ordu zenean
Burdin latz erazten.
VI
Behin ere ez uzten
Jaidura gaiztoak,
Axeri ez biluzten
Azken gaztekoak.
Hura bezain maltzurra
Nintzen bilhakatu
Orai esku makhurra
Hurbildik hertsatu.
VII
Orai ene hobenak
Dire biluziko,
Ebaste gehienak
Jakinak aurkhiko,
Haukien ithurburu
Madarikaturen
Bethiko ene buru
Zepoan kausituren.
VIII
Gazte deno zuhaitza
Behar da habetu,
Bihurtu arte haitza
Ez hartaz gabetu.
Zer nahi lanetarik
Haurra inguratu,
Ene egintzetarik
Bilant forogatu.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra