Bertsoak - Fitxa ikusi Atal honi buruz gehiago jakiteko
Andre Philomena [Bertsoa] / Dominique Demarque
Andre Philomena [Bertsoa] / Dominique Demarque
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Bozkarioz kantatuko
Dut ahal gorena,
Zure ohoratzeko
Andre Philomena,
Zutaz ongi mintzatuko
Naiz izar emena,
Orotan hedatzeko
Zure aipamena.
II
Zu zare Philomena,
Izar hainitz ederra
Xuriago zarena
Ezenez elhurra,
Distiratzen duzuna
Itsaso bazterra,
Nobleki zabiltzana,
Herrian bakarra.
III
Eztia baino eztia
Da zure bisaia
Eta duzun airia
Graziaz bethia.
Oi zeinen den loria
Zure ikustia
Erraiten dut egia
Izan miragarria!
IV
Zure begi eztiak
Erdiz-erdi zerratuz
Errespetuki jautsiak
Modeski behatuz.
Zure manera nobliak
Bethi preziatuz
Badohazi guziak
Aintzinara doblatuz.
V
Zorionean ethorri
Zare izar emea,
Maite kontsolagarri
Amorez bethea.
Oi zein den miragarri,
Zutaz mintzatzea
Izar adoragarri
Parerik gabea.
VI
Zu zare guzietan
Hainitz dakizuna
Presuna zerebrotan
Pasa zintakena.
Behar bada gorthetan
Hedatuko dena
Denbora guzietan
Zure aipamena.
VII
Izar urus baten pean
Zirade gerthatu
Mundurat ethortzean,
Arraioz argitu
Zaitu orai artean
Bethi begiratu
Mundutik partitzean
Gidaturen zaitu.
VIII
Jainkoak behin ere
Etzaitu utziko
Justu baduzu ere
Fidel zerbitzatuko.
Ez-ez gaitu gu ere
Sekulan utziko
Munduan bethi bagare
Ongi gobernatuko.
IX
Hala-nola diztiratzen
Duzu berthutea
Beneroski segitzen,
Jaunaren legea.
Kanta hunen medioz
Segur naiz etzaren
Enetzat medizioz
Sekulan mintzaturen.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra