Bertsoak - Fitxa ikusi Atal honi buruz gehiago jakiteko
Ametsetako fabrika! [Bertsoa] / Aitor Arregi
Ametsetako fabrika! [Bertsoa] / Aitor Arregi
Neurria:
Zortziko handia (hg) / Lau puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Karkara [Aldizkaria] Argitalpen data:
2013-03-22
Kokapena:
XDZ - Xenpelar Dokumentazio Zentroa
1
Ametsetako nere fabrikai
bertsok nahi dizkiot jarri
nere irudimen bihurria
zuentzako irrigarri
nola aspaldi lantegietan
malkoa daukagun sarri
bertso hauek irakurri eta
egin dezazuten irri
2
Nire lantokin bat sartu leike
goizian nahi duenian
ta gogorik gabe daukaguna
gera liteke etxian
inork ez daki zenbat ordu
sartu behar dun astian
lasai soldata izango du ta
beti hilan azkenian
3
Nere lantoki horretan inor
nekez zaigu estresatzen
arduak, zerbezak edan eta
puru txikiak erretzen
partxiseko tinbak ere noiznahi
dittugulako prestatzen
pailazo pare bat egongo da
egun guztin animatzen
4
Derrigor lanera jun biar da
ezin ibili penetan
umoria aldatu ber degu
herriko lantokietan
baina ejenplo hauek ez hartu
serio edo benetan
lan tokian nengola izan’e
ari nintzan ametsetan
Datu-base honetan eskainitako informazioari buruz jakiteko, kontsultatu lege oharra