Bertsoak - Fitxa ikusi Atal honi buruz gehiago jakiteko
Udaberriari [Bertsoa] / Jokin Zumeta
Udaberriari [Bertsoa] / Jokin Zumeta
Neurria:
Zortziko handia (hg) / Lau puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Karkara [Aldizkaria] Argitalpen data:
2013-04-26
Kokapena:
XDZ - Xenpelar Dokumentazio Zentroa
1
Udaberria etorri zaigu
barrezka degu bihotza,
epeltasuna ere badator
bazterrean utziz hotza.
Galtza motz ta tirante nikiak
jazteko galduaz lotsa,
euzki berriak urtzen dunean
negu beltzeko izotza.
2
Txoriak ere txorrotxioka
etortzen dira ta hona
beren kantuek ekartzen dute
poza eta zoriona.
Udaberria baitare ez al da
oso margolari ona?
Koloreztatu egiten baitu
zuri beltzean zegona.
3
Hala ta guztiz udaberria
dena polita al da ba?
Asmatikoek polenarekin
badituzte mila traba.
Martxoko eguzki zitalak ere
mazoarekin jo danba
ta apirialean euriak mila
aterkirik ezin laga.
Datu-base honetan eskainitako informazioari buruz jakiteko, kontsultatu lege oharra