Bertsoak - Fitxa ikusi Atal honi buruz gehiago jakiteko
2012-08-24 Amezketa Jaialdia [Bertsoa] / Arkaitz Estiballes, Anjel Mari Peñagarikano
Bertsoa entzun |
2012-08-24 Amezketa Jaialdia [Bertsoa] / Arkaitz Estiballes, Anjel Mari Peñagarikano
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A.M. Peñagarikano
Zer kristotako nik egunero
egiten det biajea?
Orain soldata jetsi digute
beti badegu ajea!
Zapaldutako langilea ni
bera bertako jefea
eta oraindik nere kontura
hartu nahi luke kafea.
A. Estiballes
Ez pentsa gero nire egoera
da bastante serioa
jeitsi egin da Marbellan dudan
txaletaren balioa
BMWa garajean dago
zein da erremedioa?
Ta Peñak berriz igon egin du
kafearen prezioa.
A.M. Peñagarikano
Nere makinai beira jarrita
hasi al zera kezkatzen?
Zeure kontura har dezazula
besterik ez det eskatzen.
Aspalditxoko esaera da
sekula ez det ahaztutzen:
lapur txikiak preso sartuta
eurak miloiak ostutzen.
A. Estiballes
Nire soldata ere jeitsi dute
hain ongi ez nabil aizu
astean bitan afaltzen nuen
Arzakenean nik usu
gero biaje batzuk Kariben
adibideak hor dituzu
ez zaitez keja nire aldean
zuk gastu gutxi dauzkazu.
A.M. Peñagarikano
Lotsarik gabe nere ondora
zatoz kafea hartzera
une batean joan nahi nuen
bizar hori laztantzera
ez gastatzearren ez da afeitatzen
hori da kinki tankera!
Zenbat aineko xuhurra zeran
hortik kontuak atera!
A. Estiballes
Kristal garbitzen ibiltzen zera
orain pa allá orain pa aquí
nik'e horrelako lan bat hartzea
behar nuen erabaki.
Ze lasai bizi zaren zu Peña
ta niri hainbeste aitzaki...
Kristalak beti egongo dira
bankuak Jainkoak daki!
A.M. Peñagarikano
Nik egunero nere lanean
egiten det ahalegina
zure soldata eta nerea
ez da ez gauza berdina.
Zu bankeroen prototipoa
hoi da zure etekina.
Honek eskuak garbi dauzka oso
kontzientzia zikina.
A. Estiballes
Badakit Peña zu gaur zarela
lau umeren gurasoa
ta kreditu bat ere baduzu
hori da zure kasoa
eta bizitza gogorra bada
ez bada hain erosoa
zuk arazoak dauzkazu baina
ez da nire arazoa.
Datu-base honetan eskainitako informazioari buruz jakiteko, kontsultatu lege oharra