Bertsoak - Fitxa ikusi Atal honi buruz gehiago jakiteko
2012-03-02 Azkoitia Sariketa [Bertsoa] / Eneritz Artetxe Eizagirre
Bertsoa entzun |
2012-03-02 Azkoitia Sariketa [Bertsoa] / Eneritz Artetxe Eizagirre
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Duela zazpi urte ezagutu
ginen maitale onenak.
Lehen muxuak orain kolpeak
erretzen dizkit barrenak.
Lehen maitasuna denbora aurrera
ta harrapatu nau trenak.
Sendatu zaizkit gorputz osoan
nituen marka gehienak
baina buruan dauden zauriak
dira sendaezin direnak. (bis)
Hasera baten bikotea zen
horren eder horren lerden
ta azkenean labana batez
laztandu ninduen hemen.
Eta denborak gaizki jarri nau
ez al da nahiko nabarmen?
Baina kontu honi aurre egiteko
badudanez nahiko kemen
denborak gero erakutsiko
du gaixo dagona nor den. (bis)
Datu-base honetan eskainitako informazioari buruz jakiteko, kontsultatu lege oharra