Bertsoak - Fitxa ikusi Atal honi buruz gehiago jakiteko
Ama Birgiñari [Bertsoa] / Joxepa Antoni Aranberri "Xenpelar"
Ama Birgiñari [Bertsoa] / Joxepa Antoni Aranberri "Xenpelar"
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Ibaizabal [Aldizkaria] Argitalpen data:
1902-12-14
Kokapena:
XDZ - Xenpelar Dokumentazio Zentroa
Diosala
Bedeinka bedi zure garbiera
betikotasun guztian
bada alaitzenda Jaungoikoa bera
aiñ edertasun aundian
Zeruko Erreguiñ pare gabia
Birgiña guztien loria
gaurtik dizkitzut zuri eskeintzen
bizitza biotz ta anima
beguira errukuiz, ez utzi arren
¡o! gure ama chit maitia
1
Españiako patrona aundiya
zure sortzearen jaiera
zabaldu zaigu Errenterian.
Juan guera guztiz aurrera
tronu eder bat eguin dizute
igo zaituzte gañera
"Bedeinkatua izan dedilla
beti zure garbiera.
2
Luzbel gaiztoa sartu zainan
Jaungoikoaren mastiyan
zeruko bide eta atiak
guretzako ichi ziran
baña Mariak zampatzen dio
burua bere oiñ-pian
guri zerua eman nai digu
"Betikotasun guztian.
3
Infernuak berak, ikaraturik,
eguiten zuen galdera
¿zeiñ da aur ori, ain indartsua?
¿au alda bigarren Eba?
onek bakarrik garaitu gaitu
gogor eguin digu guerra
"non alaiturik ikusitzen dan
Jaungoiko aundia bera.
4
Ama Eliza Santak urteero
jartzen digu agueriyan
sortze garbiko festa eder au
eguin dezagula erriyan
ontaz gañera aingueruchon bat
ibilli da Errenteriyan
bestea ¿zeñek zu orla jarri
aiñ edertasun aundiyan?.
5
Gusto aundian jarriya zegon
chit ederki aldaria
eguzkiari zuk diozula
erakutsitzen bidia
bi ainguerucho esan naiian
au da mancharik gabia
"eta gañera zeruetako
Erreguiñ pare gabia".
6
Esan dirate izendatzeko
obraren guiatzailia
bañan ez nua ofenditzera
jaun orren humildadia
badakit ondo, maite duela
birtute onen jabia
eta beraren ama zeña dan
"Birgiña danen loria".
7
Kristau fielak obra onetan
nola bai gueran battutzen
au pensatzian nere biotza
pikabat da konsolatzen
zure antzeko birtuterikan
nola etzaugun arkitzen
bestien obra eder oriek
"gaurtik dizkitzut ezkeintzen".
8
Beste gauza bat esan bear det
asko gustatu zaiguna
alde danetan jakin dezaten
euskera maite degula
euskeraz izan dira sermoiak
ta bederatziurrena
pozturik utzi dizkigutenak
"bizitza, biotz eta anima".
9
Ikusten dezu Ama maitia
zembat peligrotan gauden
etsai gogorrez ingurutuak
euskera ta fediaren
Judit fuertia zu izan zaite
beti gure erriaren
"errukiz beguiratu zaiguzu
galtzera ez utzi arren".
10
Eliz funtzio eder oietan
izan degunak partia
espero degu zu ikustera
zeruetara joatia
aingueru batek esan daigula
zabaldurikan atia
pasa zaitezte ikusitzera
"gure Ama chit maitia"
Agurra
Agurra dala esan det baña
ez guaz ez zu ustera
biotz banatan zaramazkigu
bakoitzak gueren echera
bost illabete falta dirade
emedikan Mayatzera
bizi baguera etorko guera
loriak eskenitzera.
Iturria: Zavala, Antonio. Xenpelar eta bere ingurua. Oiartzun: Sendoa, 1993. http://ttiki.com/52324
Datu-base honetan eskainitako informazioari buruz jakiteko, kontsultatu lege oharra