Bertsoak - Fitxa ikusi Atal honi buruz gehiago jakiteko
Markolako patatak [Bertsoa] / Joxepa Antoni Aranberri "Xenpelar"
Markolako patatak [Bertsoa] / Joxepa Antoni Aranberri "Xenpelar"
Dokumentu-mota:
Liburua
Argitalpenaren izenburua:
Xenpelar eta bere ingurua [Liburua] Argitalpen data:
1993-00-00
Kokapena:
XDZ - Xenpelar Dokumentazio Zentroa
1
Esan dirate: "Markola aldian
lur-zati aundiyak daude,
gutxiyenian izango dira
zazpi edo zortzi golde,
lur-zati oien parte geiena
patata ereñiyak daude".
Juan den urtia igaro zaie
gutaz akordatu gabe,
Bagues jauna, oraiñ oroitu,
ez utzi gu aurten gabe.
2
Irurogei bat urte aldian,
oso ez badira ere,
gure lantegi aundi orretan
lana egiñak gerade,
uste dedanez bi gizonekin
bost bat emakume gaude;
Bagues jauna, ez asarretu
bertsuak gaizki badaude.
3
Gure lantegi aundi orretan
pasia urte geiena,
Mige1 Mari da, orixen degu
danetan zarren-zarrena;
bigarren berriz izenik gabe
denak ondo dakitena,
urtiak utzi alde batera,
auxen degu biarrena:
naiko patata ollaskuakin
pasatzeko Madalena.
4
Nere denboran izandu diyot
afiziyua kantari,
iñon bertsorik azaltzen bazen
eosi ta irakurri;
umore ona lagun artean,
ori gustatu zait neri;
oraintxen iya eskapatu zait,
alare bertsua jarri;
eztakit nola erori zaizkan
gure Bagues jaunari,
barkaziyua eskatzen diyot
itz egin badet geiegi.
Iturria: Zavala, Antonio. Xenpelar eta bere ingurua. Oiartzun: Sendoa, 1993. http://ttiki.com/52324
Datu-base honetan eskainitako informazioari buruz jakiteko, kontsultatu lege oharra