Bertsoak - Fitxa ikusi Atal honi buruz gehiago jakiteko
Itsasoa miriku [Bertsoa] / Jean Baptiste Larralde "Dr. Larralde"
Itsasoa miriku [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Egun bat du, bakharrik
Naizela munduan,
Herioa, jadanik
Dabilkat ondoan,
Oi! eritasun triste,
Sobra lakhetua,
Hik naukak horren gazte
Hemen ezindua.
II
Miriku hoberenez,
Naiz inguratua,
Mila artha samurrenez,
Amak lagundua,
Bainan jakintasuna
Guti baliatzen,
Bai! nere azken orena
Hari da hurbiltzen!
III
Ametsak alde, xoilki,
Ni gan den gabean,
Aurkhitu naiz hobeki
Itsas bazterrean,
Eria sinheskor da!
Ama gazen harat,
Sendatzerik ez bada,
Bederen hiltzerat.
IV
Hurbildu nintzeneko
Donibane alderat
Kasik atze enetako,
Nindagoen bertze bat;
Aire gose bulharrak
Nintuen asetzen,
Suntsitu nere indarrak
Jadanik khausitzen.
V
Zenbait urhats oraindik,
Eta zait agertzen
Itsasoa, bertzerik
Ez nuen bilhatzen;
Ene minez iduri
Jakintsun jarria,
Bide erdi zait ethorri
Miriku berria.
VI
Hunen ur zilharretan
Ardura ikhusia,
Orai, bozkariotan
Naiz gaitzak utzia,
Bigarren bathaiotik
Ilkhitzen naiz garbi,
Arima lehenetik
Ilkhi bezen berri.
VII
Oi! istudio gabe
Miriku jakina!
Osasunaren jabe
Ni zuk naiz egina,
Bai, nahiz sei mila urthe
Dituzun hondatzen,
Airos, hazkar bazare
Guti naiz harritzen.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra