Bertsoak - Fitxa ikusi Atal honi buruz gehiago jakiteko
Xoriñoa kaiolan [Bertsoa] / Jean Baptiste Larralde "Dr. Larralde"
Xoriñoa kaiolan [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Zertako ni kaiolan,
Zer eginik gaizki?
Ez othe dut bada izan
Bihotz-minik aski?
Airetan ibiltzeko,
Jaunaren dohainak,
Eta ez preso egoteko,
Ditut nik hegalak.
II
Beharbada nigarrez,
Barur atzodanik,
Ene haurrak ni galdez
Daude, goseturik,
Laster hetaratzeko,
Idek beraz borthak!
Maiz heien bazkatzeko
Ditut nik hegalak.
III
Primaderak, oraindik,
Senti du negua,
Eta ume bat bakarrik,
Daukat lumatua;
Bertzek ez pairatzeko,
Onhets nere othoitzak!
Hekien berotzeko
Ditut nik hegalak.
IV
Alhargun bat naizela
Ez dautzuet erran,
Helas! hil zitzaitala
Laguna segadan!
Harren mina arintzeko,
Eta eginbideak
Bienak bethetzeko
Ditut nik hegalak.
V
Iragan arratsean,
Egin dut nik amets
Eta umez dohanean,
Amak zer ez sinhets!
Ohatzetik hurbilxko
Zabiltzala etsaiak,
Ai! lanjera aitzintzeko
Ditut nik hegalak!
VI
Baina berantegi den
Nago beldurturik,
Nihon ez dut aditzen
Auhen minik baizik,
Ez eta dudatzeko,
Galdu ditut haurrak!
Orai, nik deusetako
Ez ditut hegalak.
VII
Doluz errebel, Jauna,
Hasi naiz mintzatzen,
Bai, nere azken orena,
Hari da hurbiltzen,
Zerurat airatzeko,
Umentzat alferrak!
Zaizkit baliatuko
Agian hegalak.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra