Bertsoak - Fitxa ikusi Atal honi buruz gehiago jakiteko
Adiskide min baten orhoitzapenak [Bertsoa] / Jean Martin Hiribarren
Adiskide min baten orhoitzapenak [Bertsoa] / Jean Martin Hiribarren
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Adiskiderik maitena
Ez zaitut ez ahanzten,
Ezagunik hoberena
Maiz zutaz naiz orhoitzen.
II
Dudan erregret samina
Ez du deusek eztitzen,
Ez du nere bihotz mina,
Denborak eramaten.
III
Egun oroz goizgoizetik
Heldu zaizkit gogora,
Arratsak ez daut gogotik
Khentzen zure figura.
IV
Orhoituren naiz sekulan
Phartidako egunaz,
Bai, nere bizi guzian,
Doluko egun hartaz.
V
Nola ni besarkaturik
Zinazkidan mintzatu,
Nola, begiak bustirik
Ginen biak urrundu.
VI
Geroztik hatsgorapenka
Ardura nagolarik,
Nigarra doha punpilka
Ene begietarik.
VII
Zurekin toki orotan
Ni alegera nintzen,
Ni triste naiz guzietan
Zeren zu falta zaren.
VIII
Ibili naiz ald’orotan
Zure berrien galdez,
Bainan helas! alferretan,
Deus ez dut jakin funtsez.
IX
Ah! hegastinen ahala
Nere oinek balute
Zure ganat berehala
Hegaldaka nindaite.
X
Bai, bainan ez dut indarra
Desiren segitzeko,
Apartatu zare sobra
Ni zutarat heltzeko.
XI
Balin baduzu ahala,
Zuk konsola nezazu;
Bederen bizi zarela
Gaztia dezadazu.
XII
Ene penak arte huntan
Ez dire jabalduko,
Nere grinek hainitzetan
Naute tormentatuko.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra