Bertsoak - Fitxa ikusi Atal honi buruz gehiago jakiteko
Heskualdun gaztia soldado johan [Bertsoa] / Xan Darrigol "Lehunztarra"
Heskualdun gaztia soldado johan [Bertsoa] / Xan Darrigol "Lehunztarra"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I.
Aita ama maitiak behar niz urrundu,
Frantziak gaztierri oihu bat egin du,
Laguntzaren gutarik orai beharra du,
Heskualdun bat lasterrez bere ukhanen du.
II.
Zuekin erabili egun gozuenak,
Ez ditut ahantziren ukhan tudan mainak,
Nahi bezin urrundik, aita ama onak,
Zuentzat erranen tut othoitz hoberenak.
III.
Zer dolhamen handiek nauten hala zaurtzen.
Ene haurbide onak orai ditut uzten,
Zuekilan nintuen zorionak hartzen
Eta egun guziak laburzki igaiten.
IV.
Utziko duta bada ene sor tokia?
Hemen urthe anitzez ukhan dut bakia,
Hau izanen da bethi herri bat maitia,
Ene bihotzarentzat lekhu hautetsia.
V.
Hegaldatu denian xoria bolatzen,
Orduan da orduan biziaz gozatzen,
Nik nuen harren pare hasten ezagutzen
Lurreko izaitia enetako zer zen.
VI.
Halere nuzu bethi huntaz orhoituko
Ene odola dela Frantziaren dako,
Hura mintzatu eta dizut sinhetsiko,
Ez nuzu lotsaturen etxetik jauteko.(sic)
VII.
Besarka zitzatedan zatozte aldera,
Junta gaiten bihotzez, noha urruntzera,
Toki hautarat gogoaz zuen ikhustera.
Jinen nuzu segurki maitiak ardura.
VIII.
Jainkoak hedaturik atxikiz hegala
Zuen gorputz maitiak begira ditzala,
Untzi bat ur eztian johan den bezala,
Hala zuen egunak luzaz dohatzila.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra