Bertsoak - Fitxa ikusi Atal honi buruz gehiago jakiteko
Lana [Bertsoa] / Jean Baptiste Larralde "Dr. Larralde"
Lana [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I.
Zoin nahi herronketan
Garen hemen bizi,
Gabezian herrestan
Edo burjes handi
Maitha dezagun lana,
Ezta edergailurik
Harrek gisa gizona
Aphaintzen duenik.
II.
Egia horren frogak
Galdetzen baitutzu,
Utzirik langileak,
Alferra adi zazu:
Hunek berak aithatzen
Du gauzaren ona,
Nahiz den ikharatzen
Aiphatzean lana.
III.
Istoriak badakhar
Zenbait printze gazte
Zirela bazkaltuko,
Noizbait, Erroma parte;
Nola aihenjusak baitu
Bakhan hitza labur,
Luze ziren mintzatu
Xuxen edo makhur.
IV.
Zituztenean hustu
Beren hitz-untziak,
Eta legez higatu
Erran-gai guziak,
Oraindik ixiltzerat
Uzkur, ezin bertzez
Jin ziren mintzatzerat
Beren emazteez.
V.
Berea gozatzeke
Bakotxa etzen nagi,
Hedoiak heiendako
Ziren aphalegi;
Nahi baitzuten jakin
Zoin zen hoberena,
Gan ziren elkharrekin
Beren andren gana.
VI.
Guziak, bai, guziak,
Boz atsegineri,
Zauden xoro handiak
Jainkosak iduri;
Bakharrik Lukrezia,
Sehien aldean,
Heien kide jarria,
Hari zen lanean.
VII.
Beraz, Lukreziari
Omen hoberena,
Esker bere lanari
Izan zen emana.
Oxala ixtorioa
Hor balitz gelditu.
Laster etsai gaixtoa
Ez balitz jelostu!
VIII.
Hain bertze mende dire
Geroztik iragan!
Hanbat gauza badire
Galduak ibaian!
Baina lanaren trazak
Deusek ez itzaltzen,
Alfer zaizkola urtheak
Gainetik pasatzen.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra