Bertsoak - Fitxa ikusi Atal honi buruz gehiago jakiteko
2013-10-05 Markina-Xemein Txapelketa [Bertsoa] / Agin Laburu
| Bertsoa entzun |
2013-10-05 Markina-Xemein Txapelketa [Bertsoa] / Agin Laburu
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Nola kartzelan ordu libreak
nahi baino gehio dauzkagun
bisita denak izaten dira
itxaropenaren lagun.
Baino zein ez da zein etorri dan
ta zein ez kontatzen jardun?
Nahiz pasa zenbait ezagun
egiya aitor dezagun:
“Atta bi astez ez dek etorri”
nerekiko maiz esan nun
baino ez dakit ez zun nahi edo
oraindik ezin izan dun. (bis)
Harreman bat guk berreskuratu
eta denboran atzera
ez ote degun egin zalantzan
nago lehenago antzera.
Eztabaidak maiz izan genitun
politikan arabera
Urkullu zalia bera
ni berriz beste aldera
baino haserre hau pasa eta
lasaitzen bada norbera
abertzaliak izan baino lehen
atta ta semia gera. (bis)
Hamabost egun pasako zitun
bere etxian egoskor
baino semiak daukan lotura
ta barne senen zorrak zor
berriro ere etorriko da
bisita eginez emankor
berrogei minutu altxor
ni hemen eta bera hor
kristal lodi bat tartian jarriz
ta jakitun nor degun nor
matte nauenik ez dit esango
baino horregatik dator. (bis)
Datu-base honetan eskainitako informazioari buruz jakiteko, kontsultatu lege oharra