Bertsoak - Fitxa ikusi Atal honi buruz gehiago jakiteko
2013-11-10 Tolosa Txapelketa [Bertsoa] / Jexux Mari Irazu Muñoa, Unai Iturriaga
| Bertsoa entzun |
2013-11-10 Tolosa Txapelketa [Bertsoa] / Jexux Mari Irazu Muñoa, Unai Iturriaga
Neurria:
Zortziko txikia (hg) / Lau puntuko txikia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
J. M. Irazu:
Atzo zuen Hugo Boss
ta lasai gelditu
gaur Cacharel pixka bat
ta berriz segitu
zuri egin zaizkizula
neri iruditu
belarriak hazi ta
azala loditu. (bis)
U. Iturriaga:
Hara gaur Kenzo bila
egin dizut buelta
atera gura nuen
beti lez pertxenta
baina ez zaitez kejatu
ez jarri erreta
inoiz neuretik ere
utzi dizut eta. (bis)
J. M. Irazu:
Askotan ibiliak
zu ta biyok setan
ta utzi didazula
zuretikan bertan
arrazoia galanta
daukazu horretan
behin erori zinan bai
babarrun eltzetan. (bis)
U. Iturriaga:
Zergatik behar dituzu
zuk txispak atara?
Muestra bideratua
da propagandara
ta hala’re ez duzu nahi
tantatxo bat laga
Channel ez dakit baina
kokoa zeu zara. (bis)
J. M. Irazu:
Ni kokoa naizela
horrela ohitzeko
zu txapelketarako
zenbiltzan doitzeko
Tolosara joan nahi
dotore antzeko
botaidazu bertso bat
tanta bakoitzeko. (bis)
U. Iturriaga:
Bertsoa da hain justu
lagun nire lana
joaten bada gero
bertan ondo dana
astelehenean tanta
bakoitzeko bana
eta asteartean
muxu bat laztana. (bis)
Datu-base honetan eskainitako informazioari buruz jakiteko, kontsultatu lege oharra