Bertsoak - Fitxa ikusi Atal honi buruz gehiago jakiteko
2010-12-18 Barakaldo Txapelketa [Bertsoa] / Arkaitz Estiballes, Etxahun Lekue
| Bertsoa entzun |
2010-12-18 Barakaldo Txapelketa [Bertsoa] / Arkaitz Estiballes, Etxahun Lekue
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Estiballes
Jone Uriak zenbat gezi
beste guztiak ihesi
gaur nire ustez Jonek gehiago
ahal zuen merezi
saioa irten da berezi
epaiak nork ditu hezi?
Puntu gehiegi eman diot
gaur Estiballesi. (bis)
E. Lekue
Nik nire dudak daukadaz
neure kuaderno zaharragaz
doinu, errima, neurri ta puntu
eta kartzelagaz
Estiballes ta Etxahun narras
ta beste seirak be eskas
final hobea egin leiteke
ez dagozanakaz. (bis)
A. Estiballes
Ezin eutsi euren zama
bakarrik nahi dute fama
Etxahunek ere aipatu ditu
aita eta ama
bihurtu nahi zuen drama
zelan aldatu den dana
ez daudenetik Iturriaga
ta Igortxu laztana. (bis)
E. Lekue
Erreza da kantatzea
ta rima batzuk jartzea
ta guk sufridu doguna hemen
zelango trantzea
eskerrak gure etxea
hur dan hartuta kotxea
erabagi dot nik elkartetik
desapuntatzea. (bis)
A. Estiballes
Ta albokoek ze grazi
porrogintzan dira hasi
ta Estiballesen bertsoa entzuten
egin naz nahasi
zer nahi zuen adierazi
ez diot ulertu kasi
galdetu zure ondoko Justo
eta Mardarasi. (bis)
E. Lekue
Askorik ez daki Justok
argi eta garbi dinot
ta Kristina be pelmada emoten
inguruan dekot
nahikoa apuntatu dot
bagoaz kuadernoa ta biok
saioak holan entzuten doguz
lagunik bakook. (bis)
Datu-base honetan eskainitako informazioari buruz jakiteko, kontsultatu lege oharra