Bertsoak - Fitxa ikusi Atal honi buruz gehiago jakiteko
2013-08-25 Bilbo Jaialdia [Bertsoa] / Aitor Mendiluze, Jone Uria Albizuri
2013-08-25 Bilbo Jaialdia [Bertsoa] / Aitor Mendiluze, Jone Uria Albizuri
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Uria
Nahiz ta krisia zuen enpresan
ere irten garestia
kendu ezazu kopeta iluna
ta begirada bustia.
Ekaitz beltzena pasata ere
irteten da eguzkia.
Lasaitu seme egunen baten
konponduko da guztia.
A. Mendiluze
Eskertzen dizut zuk sentitzea
ni animatu beharra
baina eguzkirik ez da ageri
hodei beltzak barra-barra
eta denbora aurrera doa
agortzen doa indarra
baina uste det denbora dela
aurrera doan bakarra.
J. Uria
Denbora soilik doa aurrera
zuk hala duzu apunta
ze egoera duzun ikusiz
da irudipen arrunta
baina ez zazu burua izan
diru kontuz berotuta
zu lasai aita ta biok ere
aurreztuta badugu-ta!
A. Mendiluze
Zuek aurreztu dezute beraz
ta xoxak bankuan daude
baina zuentzat ere bizitza
ez da izango debalde
ta nik ez nuke jardun nahi ama
beti eske beti galde
nik ez det zuen kontra egin nahi
baizik neurearen alde.
J. Uria
Zurean alde egin nahi duzu
egon gabe gure mende
ta ondo deritzot jarraitu greban
borrokan ta errebelde
baina nahiz krisi ekonomiko
gogorra den alafede
ez zazu utzi bihurtu dadin
animo krisia ere.
A. Mendiluze
Zure animo hori hartzea
nuke nere desioa
baina gainean daukadan kezka
beldur eta presioa.
Lehenengo izan zen murrizketa bat
ondoren suspentsioa
zein gutxirekin alda daitekeen
bizitzaren prezioa!
Datu-base honetan eskainitako informazioari buruz jakiteko, kontsultatu lege oharra