BDB Bertsolaritzaren datu-basea

Informazio orokorra

Kategoria

Bat-batekoa

Saioa

2014-08-13 Leitza Jaialdia

Gai-emailea

Azpiroz, Mikel

Bertsolariak / Egileak

Agirre Goia, Unai

Mendiluze, Aitor

Lana

Binaka gaia-emanda

Jarritako gaia

Aitor, duela bi urte sagarrondoz betetako terreno bat erosi zenuen. Gaur zure lagun Unairi deitu diozu zure lehen sagardoa probatzeko. Mahai inguruan eseri eta eman diozu.

Deskribapena

Doinua

Aranora joan ziran I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

12

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2014-08-13 Leitza Jaialdia [Bertsoa] / Unai Agirre Goia, Aitor Mendiluze

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Mendiluze
Sagastietan lana
otarrak beteta
tolarean pasa ta
gero berriz buelta.
Nere sagardo honi
jar’iok arreta
beste hainbeste izerdi
kosta zaidak eta!

U. Agirre
Hara nik zer laguna
Leitza aldean dedan
sagardo dotore bat
jarri dit aukeran.
Egin, egin dek hik baina
ez ziok primeran
arreta jarri dit baina
hau ezin dit edan.

A. Mendiluze
Ez dizkit ontzat hartu
egindako hitzak
baina erakutsi bat
bazeukak bizitzak:
nahiz eta iritziak
beti hartu aintzat
inork ez dik egiten
gusto guztientzat.

U. Agirre
Hontan oso jakitun
dek Agirre Unai
Etxera etorri ta
tentatua nauk bai.
Hala ere egongo nauk
egarri ta lasai.
Berak ezin edan ta
nik edatia nahi.

A. Mendiluze
Badik urtebia ta
badik gezamina
badik txalaka eta
badik pelestrina.
Hobea izango dek
nunbaiten jakina!
Oaindik ez dit probatu
herorrek egina.

U. Agirre
Pelestrin ta txalaka
badit mila duda
urtebi txiki ta haundi
etorri burura
nahastu izango dizkiok
hau, hori ta hura
honek gehien daukana
errekako ura!

A. Mendiluze
Beraz errekatikan
etorri dek hona
esaten atrebitu
egin haiz gizona.
Ura baldin bazeukak
hiretzako ona
bakoitzak hartu behar dik
komeni zaiona.

U. Agirre
Poliki-poliki naiz
Leitzaraino aila
sagardoan jarri du
egundoko maila.
Honek hala’re badik
bere abantaila:
nahikua edan arren
mozkortzia zaila.

A. Mendiluze
Beraz ez haiz aseko
hemen edanean
ni berriz goxatzeko
negok afanean
jarri tomate batzuk
hemen mahai gainean
berriro probatzeko
ozpintzen danean.

U. Agirre
Neri ez zait gustatu
neuretzat kaltian
hobea egingo det
hurrengo batian.
Biok sagardo edateko
tomate jatian
eman neri sagar dana
datorren urtian.

A. Mendiluze
Beraz sagarra nahi dek
gaurkoan ordaina
tratu ona atera
behar zaik alajaina!
Neure lanan estima
bazeukeat baina
lasai ez dik balio
lagun batek aina.

U. Agirre
Bertsotan ere behar
fuego ahalegindu
Mendiluze ezin da
nolanahi berdindu
sagardo honek bere
gauz ona egin du:
gu haserratu baina
mingaina arindu.