Bertsoak - Fitxa ikusi Atal honi buruz gehiago jakiteko
2016-11-12 Baiona Txapelketa [Bertsoa] / Odei Barroso, Xumai Murua
Bertsoa entzun |
2016-11-12 Baiona Txapelketa [Bertsoa] / Odei Barroso, Xumai Murua
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Xumai :
Lagun gisa nizun nik
dirua prestatzen
baina ez ote zira
nitaz baliatzen
beste aterabiderik
zuretzat ez al zen?
Behar baino gehiago
baituzu gastatzen.
Odei :
Lagun zutaz ez nuke
nik baliatu nahi
sosa galdegin dizut
ta erantzuna: Ai!
Gastatze kontuetan
egon zaitez lasai,
ez dut ainitz gastatzen
ainitz aurreztu bai.
Xumai :
Ez dakit nundik dudan
lagun hau begiko
baliatu behar dut
diot nerekiko
tori berrehun euro
har itzazu kito
gero neri etxea
didazu eraikiko. (bis)
Odei :
Etxea eraikitzea,
galdu du kontrola
nik ere nahi zinduzket
nolabait kontsola
zure ondoan nago
egunero hola
jakin laguntasuna
garesti dagola.
Xumai :
Zure ondoan ez dut
hainbeste zorion
nolatan egin dizut
gaur arte jaramon
laguna garestia
hemen dago egon,
lotsagabetasuna
zeinen merke dagon!
Odei :
Ni goxo hasi baina
kolpea eman dit
arrazoia duzula
ez dago dudarik
berriz frogatzen dizut
ez daukat lotsarik
dena itzuliko dizut
hiltzen naizelarik.
Datu-base honetan eskainitako informazioari buruz jakiteko, kontsultatu lege oharra