Bertsoak - Fitxa ikusi Atal honi buruz gehiago jakiteko
2016-12-17 Bilbo Txapelketa [Bertsoa] / Ibon Ajuriagojeaskoa, Beñat Ugartetxea
Bertsoa entzun |
2016-12-17 Bilbo Txapelketa [Bertsoa] / Ibon Ajuriagojeaskoa, Beñat Ugartetxea
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
B. Ugartetxea
Nahiko bikote berezia gara
oraindik hain gara gazte
ta gizartea ikusten dugu
oso baju eta triste
gure alaba ongi hazteko
eman gurean gerizpe
kolore askoz jantziko dugu
eta guztiak nahaste.
I. Ajuriagojeaskoa
Hezi nahi dogu gure alaba
pertsona libre bezala
zergatik berak euki behar dau
estereotipoen itzala
nahiz eta jakin korrontearen
kontra joatea dala
ahal bada bere bizitza berak
astiro topau daiala.
B. Ugartetxea
Hala ta ere gure maitasun
dena behar du zurrupa
denera eramango dut bera
nere eskutik hartuta
baina hitz egin behar diogu
diminutiboak ahaztuta
nik hitanoz hitz egingo diot
ta zuk egiozu zuka.
I. Ajuriagojeaskoa
Hitano edo zutaz berbetan
nahasten dogu ingurua
kolore urdin, kolore more
ez nago horren segurua
panpina edo pelotatxoa
zein da gure helburua?
Berak nahi daben koloreagaz
egin daiala mundua.
B. Ugartetxea
Ta bere mundu hori guk ezin
orain noski imajina
dotorea izan dadila, bai
egin daigun ahalegina
gabonak ere gainean daude
ta Olentzero jakina
bi opari egingo dizkiogu
baloia eta panpina.
I. Ajuriagojeaskoa
Baloia eta panpina, noski
ez da izango kaltea
hobe izango da hor danetatik
apur bat eroatea
nahiz ta arraro begira euki
jentea ta gizartea
gura dodana da gure alaba
zoriontsu izatea.
Datu-base honetan eskainitako informazioari buruz jakiteko, kontsultatu lege oharra