BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bizkaiko Bertsolari Txapelketa (16. 2016)

Saioa

2016-12-17 Bilbo Txapelketa

Gai-emailea

Berriozabal, Maite

Bertsolariak / Egileak

Ajuriagojeaskoa, Ibon

Enbeita, Onintza

Lana

Binaka gaia-emanda

Jarritako gaia

Ibon, diru apur bat lortzeko astebeterako lana topau dozu gabon sasoirako. Merkatal gune haundi batean Olentzerorena egiteko kontratau zaitue eta gaur dozu lehenengo lan eguna. Ume ilara luzea daukazu aurrean. Badator Onintza, ilarako lehenengo umea.

Deskribapena

Doinua

Durangotik gorako

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2016-12-17 Bilbo Txapelketa [Bertsoa] / Ibon Ajuriagojeaskoa, Onintza Enbeita

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Ajuriagojeaskoa
Dodan bizar luzeak
a ze enbarazu!
Lehenengo legez hona
etorri zara zu
ez eizu negar egin
egin niri kasu
ia bildur gehiau zuk
emoten deustazu (bis)

O. Enbeita
Bizar baltza, luzea
zelako pasada
baina zu argalegi
zagoz beharbada
Olentzeroren antzik
ez daukazu hara
ni naz Onintza Enbeita
baina zu nor zara? (bis)

I. Ajuriagojeaskoa
Hagin luzeak dozuz
hasieran agiri
zugatik nik ez deukot
hainbeste inbidi
zu Onintza zarela
orain esan niri
nahi badozu izan zeinke
zuk Mari Domingi. (bis)

O. Enbeita
Nire amak ipini deust
baserritar gona
txikia izan arren
nik badaukat sona
ilusinoz beteta
etorri naz hona
baina ikusten jatsu
bizarraren goma. (bis)

I. Ajuriagojeaskoa
Arrazoi dozu Onintza
zuk orain esana
astebeterako nik
dut hemetxe lana
eta esango deutsut
zein dan egiz plana:
Olentzero da zure
aita eta ama (bis)

O. Enbeita
Ez dot hori sinesten
niri itxi bakean
bota karameloak
eskura nahastean
gutuna gordeko dot
poltsiko batean
benetako Olentzero
aurkitu artean. (bis)