Bertsoak - Fitxa ikusi Atal honi buruz gehiago jakiteko
2017-11-19 Amurrio Txapelketa [Bertsoa] / Nerea Ibarzabal, Jon Maia
| Bertsoa entzun |
2017-11-19 Amurrio Txapelketa [Bertsoa] / Nerea Ibarzabal, Jon Maia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Maia:
Begira zure galtza kanpanak
ta begira nere kaiku.
Argazki atzean Che, Fidel, Lenin...
haien esaldi ta aipu
nahiz ta agian lehen bezelaxe
pentsatzen biok jarraitu
mundua aldatu nahi genuen ta
munduak aldatu gaitu!
N. Ibarzabal:
Mundua joan da noizbait geneuzkan
lakartasunak leuntzen
baina orain begiratzen dugu
arazoetarantz zuzen
ta eguneroko erabakitan
gu aldaketak burutzen
iraultza ez da belarritako
aro kopurutan neurtzen!
J. Maia:
Baina arotik pasatu gera
gauza guztitan funtsean
begira ogia erostera
nola zoazen kotxean
tximini baten aurrean gaude
berrehun metroko etxean
kontraesanak ezkutatuaz
gure zimur bakoitzean!
N. Ibarzabal:
Ba hala ere nik erosten dut
beti herriko dendetan
ta ez naiz joaten horren urruti
pultserekin oporretan
ulertu dugu iraultza handirik
ez datorrela benetan
baina aldaketak hortxe daudela
erabaki txikietan!
J. Maia:
Baina izana aldatu zaigu
nahiz ta mantendu izena
gauza txikitan ibiltzen gara
baina lepoa gizena
pentsatu nahi det iraultza dela
gure ondoren datorrena
gure bilobek egingo ahal dute
guk egin ez genuena!
N. Ibarzabal:
Ilobek ez dute aterako
sartu zitzaigun ezpala
ta badakizu hori esatea
nahiko hipokrita dala.
Guk ahal duguna egiten dugu
zimurtu arren azala
orain zu ari zara hizketan
kontserbadoreek bezala!
Datu-base honetan eskainitako informazioari buruz jakiteko, kontsultatu lege oharra