Bertsoak - Fitxa ikusi Atal honi buruz gehiago jakiteko
2017-12-02 Iruñea Txapelketa [Bertsoa] / Miren Amuriza, Alaia Martin
| Bertsoa entzun |
2017-12-02 Iruñea Txapelketa [Bertsoa] / Miren Amuriza, Alaia Martin
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Martin: “Buf”eta “buf” egiten
nabil buffetean
M. Amuriza: bufanda jarri behar
zeuk´e kopetean
A. Martin: janari asko eta
prezio merkean
M. Amuriza: eskerrak heldu garen
gu gose betean!
M. Amuriza: Ogi apurrik ere
ez duzu laga ta
A. Martin: dijeritu nahi nuke
dena pixkanaka
M. Amuriza: kroketak be iruntzi
ditugu launaka
A. Martin: eta nik irentsi dut
kilo bat patata.
A. Martin: Osasunantzat ona
baita almidoia
M. Amuriza: poltsikoarentzat ez
hortxe dago goia.
A. Martin: Nik desataskatzeko
behar dut limoia
M. Amuriza: kontuak egiteko
badugu sasoia.
M. Amuriza: Jan biok egin dugu
ta ordaindu nola?
A. Martin: Nik uste dut zuretzat
egoki dagola.
M. Amuriza: Egia esan gaur ez zait
askorik axola
A. Martin: kontuz hortza artean
duzu eskarola!
A. Martin: Bai, kendu duzu bueno
geratzen da pixka`t
M. Amuriza: nahi al duzu probatu
zati hau zuk behintzat?
A. Martin: Postrerako hartuko
dut pare bat KitKat
M. Amuriza: eskerrak zeunzkadana
nik neska mizkintzat!
M. Amuriza: Ondo disimulatzen
duzu bai gosea
A. Martin: dena mitxelina da
ta dena posea!
M. Amuriza: Nahiago nuke neuk be
izan holakoxea
A. Martin: baina tripan dudana
gehiena haizea.
A. Martin: Grua deitzea ere
gaizki ez legoke
M. Amuriza: gu biok altxatzeko
hori gauza ote?
A. Martin: Hemen kokatu zaizkit
hiru eskalope
M. Amuriza: etzanda eramateko
esango nioke.
M. Amuriza: Gabonetako jada
goserik gabe gu
A. Martin: baina aperitibu
bat ein dezakegu.
M. Amuriza: Izango gara beste
guztien eredu
A. Martin: nahiz orain ezin garen
zutikan mantendu.
Datu-base honetan eskainitako informazioari buruz jakiteko, kontsultatu lege oharra