BDB Bertsolaritzaren datu-basea

Informazio orokorra

Kategoria

Bat-batekoa

Saioa

2017-01-08 Oiartzun Jaialdia

Gai-jartzailea

Elizasu, Unai

Bertsolariak / Egileak

Egaña, Andoni

Oiartzabal, Arkaitz "Xamoa"

Lana

Binaka gaia-emanda

Jarritako gaia

Amonak deitu dizue Getariatik. Aitonak alde egin duela. Balea agertu omen dela portuan, eta aitonak botak jantzi, arpoia hartu eta etxetik joan dela.

Deskribapena

Doinua

Orioko balearena

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2017-01-08 Oiartzun Jaialdia [Bertsoa] / Andoni Egaña, Arkaitz Oiartzabal "Xamoa"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Xamoa
Nahiz ta balea dagon
hor gustora asko
gure aitona zer den
aitortu beharko
eta baleak bistan
hartzen dunerako
belaxe joango da
hura ere eskapo. (bis)

A. Egaña
Aitonak mila aldiz
ez al digu hitz egin:
“Hemen azken balea
neuk harrapatu fin”.
Seguru han dagola
puertoan, Getarin
beti gezurra zena
egi izan dadin. (bis)

Xamoa
Ta arpoia hartzea
ez da izan traba
aitona ikusten dut
soldadu gisara
baleari begira
irri ta algara
atzetikan amona
azaltzen ez bada. (bis)

A. Egaña
Hamaika batallita
dotoreak konta
orain egin nahi bere
historian kontra
hobe du bale horri
arpoirik ez bota
aitona bera bezain
flakua dago ta. (bis)


Xamoa
Egia da ez dula
lehengo giharrik
baina ni ere nago
lotsatu xamarrik
lehen gure aitona zen
ez da esan beharrik
baino gaurtik aurrera
zurea bakarrik. (bis)

A. Egaña
Amonak esan digu
“Bila joan beharko”.
Esan diot “Ederki
dabil etxez kanpo.
Alperrik esango du
hau eta halako
laster itzuli baietz
txikiteorako!”. (bis)