Bertsoak - Fitxa ikusi Atal honi buruz gehiago jakiteko
2018-11-25 Igorre Txapelketa [Bertsoa] / Oihana Bartra
| Bertsoa entzun |
2018-11-25 Igorre Txapelketa [Bertsoa] / Oihana Bartra
Kokapena:
XDZ - Xenpelar Dokumentazio Zentroa
Bilbon jende asko gara
euskara erabiltzen
ta Euskaraldiak hori
zentroan du ipintzen
ni ere lan-talde baten
hasieratik aritzen
ilusio handiz eta
ahalik eta anitzen
baina lehengo batean
zalantzaz hasi nintzen
politikoak ikusita
aurpegiak zuritzen. (bis)
Onuragarri izango da
euskaldun denontzako
hizkuntza zapaldu baten
bizitzen gaudelako
askok galdetu ohi zuten
"baina hau zertarako?"
Nik esaten nuen baietz
"ein behar dugu salto."
Ta hala ere danok txapa
jarri ta eman beharko
ta nik gaur ez dut ekarri
ahaztu zaidalako. (bis)
Herritik emango zaio
euskerari eupada
behetik ematen baitzaio
beti legez bultzada
zalantza denak zalantza
bertan egongo gara
hau guztiona delako
guztiona euskara
ta Amets Arzallusek be
esan zuen erara
"hemen garrantzitsuena
abenduak laua da."
Datu-base honetan eskainitako informazioari buruz jakiteko, kontsultatu lege oharra